Jɛrimaya 3:4 - Krio Fɔs Oli Baybul

⁴ Yu nɔ jɛs de pre to mi se, ‘Mi Papa, na yu na mi padi we a bin yɔŋ –

Jɛrimaya 3:4 Iomraidhean Croise

Di Sam Dɛm 119:9

Aw yɔŋ pɔsin go ebul liv piɔ layf? Na we i de du wetin di lɔ se.

Di Sam Dɛm 48:14

Bikɔs PAPA GƆD na PAPA GƆD we go de sote go ɛn nain go bi wi sikyɔriti te wi day.

Di Sam Dɛm 71:17

PAPA GƆD, frɔm we a smɔl, nain yu dɔn tich mi fɔ prez yu, ɛn te tide a de tɔk bɔt di wɔndaful wok we yu de du.

Di Sam Dɛm 71:5

Mi Masta, yu we na PAPA GƆD Ɔlmayti, na yu dɔn de gi mi op, na yu PAPA GƆD a dɔn put mi at traŋa wan pan frɔm we a smɔl.

Prɔvabs 1:4

Dɛn go mek pɔsin kapu sɛns, ɛn ɛp yɔŋ pɔsin sɛf we nɔ gɛt ɛkspiriɛns, fɔ tich ɛn no wetin i de pan.

Prɔvabs 2:17

afta we i dɔn lɛf in man ɛn fɔgɛt se in bin dɔn mek vaw to PAPA GƆD.

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Jɛrimaya 3:19

A bin de tink bɔt aw a go put una wit mi bɔypikin dɛm, ɛn gi una fayn fayn land, prɔpati we fayn pas ɔl dɛn neshɔn dɛn yon. Ɛn a bin tink se una go kɔl mi, Mi Papa, ɛn nɔ go tɔn una bak pan mi.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Ozie 2:15

Na de a go gi am greps gadin dɛn, n a go mek di Trɔbul Vali, we kin gɛt ɔlkayn trɔbul, ples we pɔsin go pas we i abop. Na de i go ansa mi lɛk aw i bin du we in na bin yɔŋgyal, di tɛm we i bin jɛs kɔmɔt Ijipt.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Malakay 2:14

Dɛn kin aks wetindu. Bɔt na bikɔs na frɔnt PAPA GƆD dɛn ɛn di uman dɛn we dɛn bin mared we dɛn yɔŋ bin tek vaw, dɔn naw dɛn nɔ bisin bɔt am igen pan ɔl we nain na dɛn mared wɛf ɛn dɛn bin dɔn go tek vaw.