Jɛrimaya 3:3 - Krio Fɔs Oli Baybul

³ Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Jɛrimaya 3:3 Iomraidhean Croise

Jɛnɛsis 19:34

Di nɛks de, di big gyal pikin tɛl in sista se, “A lidɔm wit papa yɛstade nɛt; lɛ wi mek i drɔnk bak dis nɛt, so dat yu kin lidɔm wit am. Dɔn wi ɔl tu go gɛt pikin we go mek wi nem nɔ day.”

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Prɔvabs 21:29

Bad pɔsin kin lɛk fɔ mek drayay ɔltɛm, bɔt pɔsin we de waka tret na PAPA GƆD in yay no wetin i de du.

Ayzaya 5:6

A go mek i yuslɛs; dɛn nɔ go de trim am ɔ de put dɔti nain rut, so dat wayl bush ɛn chuk chuk go gro de; Dɔn a go kɔmand di klawd dɛm mek nɔn ren nɔ fɔdɔm pan an.

Jɛrimaya 14:1

PAPA GƆD in wɔd we rich Jɛrimaya kɔnsanin di drawt:

Jɛrimaya 14:22

Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.

Jɛrimaya 14:3

Di bigman dɛm we de de, sɛn dɛn wokman dɛm fɔ go gɛt wata; dɛn kam na di wɛl dɛm, dɛn nɔ si wata, dɛn go bak wit ɛmti kitul dɛm; dɛn shem ɛn kɔnfyus, ɛn dɛn kɔba dɛn ed.

Jɛrimaya 14:4

Bikɔs di grɔn nɔ bia natin, bikɔs ren nɔ kam, di fama dɛn de shem, dɛn kɔba dɛn ed.

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 5:24

Dɛn nɔ de tɔk na dɛn at se, ‘Lɛ wi fred PAPA GƆD we na wi Gɔd, we de gi wi ren, ren sizin, di amatan ren, ɛn di draysizin ren, ɛn de kip, di wik dɛm fɔ di avɛst, fɔ wi.’

Jɛrimaya 5:25

Una bad layf dɔn mek una nɔ de gɛt ɔl dɛn tin dɛn ya igen, ɛn una sin dɛm dɔn diprayv una.

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Izikɛl 3:7

Bɔt di Izrɛlayt dɛn nɔ go lisin to yu; bikɔs dɛn nɔ wilin fɔ lisin to mi; bikɔs ɔl di Izrɛlayt dɛn at traŋa ɛn na so dɛn stɔbɔn.

Lɛvitikɔs 26:19

ɛn di gbiŋbin we dɛn de mek fɔ dɛn pawa dɔn, ɛn PAPA GƆD nɔ go mek ren kam we go mek di land bia tin fɔ it. Dɛn ɔl go traŋa lɛk ayɛn;

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.

Emɔs 4:8

Ɔlman bin de wirɔn ɔp ɛn dɔŋ frɔm siti to siti fɔ wata, bɔt nɔbɔdi nɔ gɛt bɛtɛ wata fɔ drink. Pan ɔl dat, una nɔ klɔk mi.

Zɛfinaya 2:1

I se dɛn nɔ gɛt shem, dɛn fɔ kapu sɛns ɛn kam ripɛnt

Zɛfinaya 3:5

PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.

Egay 1:11

PAPA GƆD se, nain dɔn mek di grɔn dɛn ɔl dray, di tin dɛn we dɛn de bia, nɔ bɛtɛ, ɛn ivin di animal ɛn mɔtalman nɔ de kɔmɔt fayn.

Ditarɔnɔmi 28:23

Wan ren nɔ go kam ɛn dat go mek di grɔn trɔŋ lɛk ayɛn.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.