Jɛrimaya 3:2 - Krio Fɔs Oli Baybul

² Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Jɛrimaya 3:2 Iomraidhean Croise

Jɛnɛsis 38:14

Tama bin dɔn no se Juda in smɔl bɔypikin we nem Shila bin dɔn big, bɔt dɛn nɔ mek i mared am. So i pul in klos we uman we i man dɔn day kin wɛr, wɛr ɔda klos, ɛn kɔba in fes wit vel. Dɛn i sidɔm bifo say na Ɛnaim, wan siti we de na di rod fɔ go na Timna.

1 Kiŋ 11:3

I mared sɛvin ɔndrɛd wɛf ɛn dɛn ɔl na bin kiŋ pikin dɛn, ɛn i bin gɛt tri ɔndrɛd smɔl wɛf; Ɔl dɛn uman dɛn yaso bin lid am astre.

2 Kiŋ 23:13

Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.

Di Sam Dɛm 106:38

Dɛn shɛd dɛn bɔypikin ɛn gyal pikin dɛn blɔd fɔ natin, we dɛn tek dɛn pul sara to dɛn tin we dɛn mek fɔ pre to na Kenan; dɛn mek di ples nɔ fit fɔ mek pɔsin wɔship PAPA GƆD de bikɔs ɔf di blɔd dɛn we wes.

Prɔvabs 23:28

Dɛn kin de ayd na kɔna lɛkɛ am rɔba ɛn mek bɔku man tɔn plebɔy.

Prɔvabs 7:11

Na uman we gɛt maynd ɛn nɔ gɛt wan shem. Ɔltɛm i de na trit.

Jɛrimaya 12:12

Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Jɛrimaya 3:9

Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Izikɛl 16:16

Una tek sɔm pan una klos dɛn ɛn bil fayn kɔla kɔla shrayn fɔ unasɛf, ɛn na pan dɛm una de du una rare biznɛs; di kayn we nɔ bin ɛva bi, ɛn we nɔ go ɛva bi igen.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Ozie 2:5

Dɛn mama na bin rare gyal ɛn na wit da kayn shem de i bɔn dɛn. I se in go fala di man dɛn na we de gi mi it, klos, linin, pafyum ɛn rɔm.

Lyuk 16:23

Wɛn i de na ɛl de sɔfa pen, i es in yay luk, na de i si Ebraam fawe klos Lazarɔs.

Ditarɔnɔmi 12:2

I tɛl di Izrɛlayt dɛn se we dɛn go na di land, dɛn fɔ brok brok ɔl usay di pipul dɛn we bin de de bin de wɔship dɛn gɔd dɛn; i lɛk na ɔp mawnten, dɔŋ vali ɔ ɔnda tik dɛn de,