Jɛrimaya 27:6 - Krio Fɔs Oli Baybul

⁶ So, fɔseka dat, a dɔn gi ɔl dɛn land dɛm ya to Nɛbyukadnɛza, we na di kiŋ na Babilɔn ɛn mi wokman, ɛn a dɔn gi am di animal dɛn na bush fɔ sav am.

Jɛrimaya 27:6 Iomraidhean Croise

2 Kiŋ 25:28

Bad-Mɛrodak tɔk fayn to Jɛoiakim ɛn ɔna am pas dɛn ɔda kiŋ we bin de jel wit am na Babilɔn.

2 Kronikuls 36:23

“Na dis Sayrɔs kiŋ na Pashia se, “PAPA GƆD di Gɔd we gɛt ɛvin dɔn gi mi ɔl di kindɔm dɛn na wɔl ɛn i dɔn put am to mi se a fɔ bil os fɔ am na Jerusɛlɛm. Ɛni wan pan una pan ɔl in pipul dɛm, mek in Gɔd de wit am. Lɛ i go.”

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 22:25

ɛn gi una to dɛn wan we wan kil una, dɛn wan we una de fred, dat na Nɛbyukadnɛza we na kiŋ na Babilɔn ɛn dɛn Babilonian dɛm.

Jɛrimaya 24:1

Afta we Nɛbyukadnɛza, we na kiŋ na Babilɔn bin dɔn kɛr Jɛkonaya, we na Jɛoiakim we na kiŋ na Juda, in bɔypikin, togɛda wit di bigman dɛm na Juda, di man dɛm we de mek tinks dɛn wit dɛn an, ɛn di goldsmit ɛn blaksmit dɛm, go ɛgzayl na Babilɔn kɔmɔt Jerusɛlɛm, PAPA GƆD bin sho mi dis vishɔn; A si tu baskit fignɔt we dɛn put bifo PAPA GƆD in tɛmpul.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 28:14

Bikɔs na dis PAPA GƆD Ɔlmayti we na Izrɛl dɛn Gɔd se: A dɔn put ayɛn yok fɔ ad lebɔ na ɔl dɛn neshɔn ya dɛn nɛk fɔ wok fɔ Nɛbyukadnɛza we na kiŋ na Babilɔn, ɛn dɛn go sav am, bikɔs a dɔn ivin gi am dɛn animal na bush.’”

Jɛrimaya 43:10

ɛn tɛl dɛm se, ‘Na dis PAPA GƆD Ɔlmayti we na Izrɛl dɛn Gɔd se: A de tɛl una, a go sɛn tek Nɛbyukadnɛza, mi wokman we na kiŋ na Babilɔn, ɛn i go put in tron pantap dɛn ston ya we a dɔn ayd, ɛn i go prɛd in kiŋ tɛnt oba dɛm.

Jɛrimaya 49:30

PAPA GƆD se, Una rɔnawe, una go fawe, una go tap insay dɛn kev, Una we tap na Azɔ! Bikɔs Nɛbyukadnɛza we na kiŋ na Babilɔn, dɔn mek plan fɔ una, ɛn dɔn mek arenjmɛnt fɔ du una sɔntin.

Izikɛl 29:12

Ɛn a go mek di Ijipt kɔntri bi wan ɛmti ples we natin nɔ de, midul ɔl di ɔda ɛmti kɔntri dɛm, we natin nɔ de. Ɛn in big tɔŋ dɛm fɔ fɔti ia bi wan ɛmti ples we nɔ fit fɔ ɛnitin fɔ de de, pan di big tɔŋ dɛn we dɛn pwɛl pata pata. A go skata di Ijipt pipul pan di neshɔn dɛm, ɛn sheb sheb dɛm pan di difrɛn kɔntri dɛn.

Izikɛl 30:24

Ɛn a go gi di Babilɔn kiŋ trɛnk nain an dɛm, ɛn put mi sɔd nain an; bɔt a go brok Fero in an dɛm. Ɛn i go pini dip wan bifo am, lɛk pɔsin we de day.

Daniɛl 4:12

In lif dɛn bin fayn ɛn in frut dɛn so bɔku dat ɔl man bin gɛt fɔ it. Ɔl dɛn animal dɛn na di fil bin gɛt kol ples fɔ lidɔn ɔnda di tik, ɛn di bɔd dɛn we di flay tap na di tik in an dɛn, ɛn ɔl kayn krichɔ bin ebul fɔ gɛt it pan di tik.

Daniɛl 4:22

Na yu mi kiŋ, we dɔn gro big ɛn pawaful. Yu pawa dɔn big te i dɔn rich di skay, ɛn yu kɔntrol sɛf dɔn kɔba di wanol wɔl.