Jɛrimaya 26:3 - Krio Fɔs Oli Baybul

³ Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Jɛrimaya 26:3 Iomraidhean Croise

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

1 Kiŋ 21:29

“Yu nɔ si aw Eab dɔn ɔmbul insɛf to mi? Wɛl, bikɔs i dɔn ɔmbul insɛf so, ɔl wetin a dɔn tɔk se a go du, a nɔ go du am we i de alayv; nain pikin dɛn naw a go mek sɔfa ɛn na wɛn in bɔypikin de rul a go du dat.”

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Izikɛl 12:3

bikɔs dɛn na pipul dɛn we nɔ de gri fɔ yɛri wɔd. So mɔtalman, pak tin dɛn we pɔsin we de go ɛgzayl kin pak fɔ yusɛf ɛn go ɛgzayl santɛm we dɛn go si yu; yu fɔ go lɛk pɔsin we de go ɛgzayl, kɔmɔt na yu ples go ɔda say we dɛn de si yu. Sɔntɛnde, dɛn go ɔndastand, ivin do dɛn na pipul dɛn we nɔ de gri yɛri wɔd.

Izikɛl 18:21

“Bɔt if wikɛd pɔsin chenj ɛn lɛf fɔ kɔmit sin, ɛn i kip ɔl mi lɔ dɛn, ɛn du wetin di lɔ se ɛn wetin rayt, fɔ tru tru i go liv; i nɔ go day.

Ozie 11:9

I se i nɔ go gri lɛ i vɛks te i du wetin i nɔ go lɛk fɔ du. I nɔ go mek i vɛks pan Ifrem te i dɔnawe wit am; In na PAPA GƆD, in nɔto mɔtalman ɛn i de midul dɛn as di wan we oli, so nɔto dat i de fɔ.

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.