Jɛrimaya 2:8 - Krio Fɔs Oli Baybul

⁸ Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Jɛrimaya 2:8 Iomraidhean Croise

1 Kiŋ 18:22

So i tɛl dɛn se nain waŋren nɔmɔ dɔn lɛf pan PAPA GƆD in prɔfɛt dɛn, bɔt Beal in gɛt bɔku, fo ɔndrɛd ɛn fifti.

1 Kiŋ 18:29

Dɛn ala te san go dɔŋ, te ivin tɛm rich fɔ mek di ivintɛm sakrifays. Nɔn fiŋ, nɔ fɛ dɛn nɔ yɛri.

1 Kiŋ 18:40

Ilayja gi ɔda se lɛ dɛn kech ɔl Beal in prɔfɛt dɛn lɛ wan pan dɛnsɛf nɔ rɔnawe. Dɛn kech dɛn ɛn Ilayja mek dɛn kɛr dɛn go dɔŋ na Kishɔn Vali ɛn kil dɛn de.

Job 35:10

Bɔt nɔn pan dɛn nɔ kin aks se, ‘we PAPA GƆD we mek mi, we ebul mek pipul siŋ ɔlwe dɛn gɛt trɔbul,

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Ayzaya 29:10

Bikɔs PAPA GƆD dɔn put, spirit we de mek pɔsin slip dip dip wan, pan una, ɛn i dɔn lɔk una yay, una di prɔfɛt dɛm, ɛn i dɔn kɔba una ed, una di lukgrɔn man dɛm.

Ayzaya 30:5

dɛn ɔl go shem fɔseka pipul we nɔ gɛt fɔ prɔfit dɛm, we nɔ de ɛp dɛn nɔ de prɔfit dɛm, bɔt shem ɛn disgres nɔmɔ.”

Jɛrimaya 10:21

Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Izikɛl 22:26

Di man dɛn we de mek sakrifays fɔ pipul sin dɔn trit mi lɔ dɛn wit fityay, ɛn nɔ gɛt rɛspɛkt fɔ mi oli tin dɛm. Dɛn nɔ gɛt nɔn difrɛn bitwin wetin oli ɛn wetin na ɔl man yon, ɛn na so dɛn nɔ tich pipul wetin difrɛn pan wetin klin ɛn wetin nɔ klin, dɔn, dɛn nɔ de tek mi de fɔ blo ɛn rɛst mek natin, we min se dɛn nɔ rɛspɛkt mi.

Izikɛl 34:2

“Mɔtalman, prɔfisay agens di Izrɛl shɛpad dɛm, prɔfisay ɛn se to dɛm, na dis PAPA GƆD se: Ivin to di shɛpad dɛm, O Izrɛl shɛpad dɛm we bin jɛs di fid unasɛf? Nɔ to di ship dɛn shɛpad dɛn fɔ fid?

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Abakɔk 2:18

Wetin dɛn smɔl gɔd we dɛn de mek min? Dɛn nɔ gɛt natin fɔ du pas dɛn de lay nɔmɔ. I fɔni fɔ si di wan dɛn we mek dɛn, de abop pan mumu fɔ tɔk, dɔn dɛn se na gɔd.

Matyu 16:26

Wetin pɔsin go gen if i gɛt di ol wɔl, ɛn day go ɛl ɛn lɔs di tru layf? Natin! Natin nɔ de we pɔsin go gi fɔ gɛt in layf bak.

Lyuk 11:52

“I go bad fɔ una dɛn Ju Lɔ ticha, bikɔs una dɔn lɔk di ples we pipul fɔ go fɔ lan bɔt Gɔd ɛn kɛr di ki go. Una nɔ de go insay ɛn una nɔ gri fɔ mek ɔda pipul go insay.”

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Jɔn 8:55

Una nɔ no am wande, bɔt mi no am. If a bin se a nɔ no am, a bin fɔ de lay lɛkɛ una. Bɔt a no am, ɛn a de du wetin i se.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Ditarɔnɔmi 33:10

Dɛn tich yu pipul dɛn fɔ obe yu lɔ dɛn; Dɛn mek sakrifays na yu ɔlta.

1 Samiɛl 12:21

Una nɔ fala dɛn ɔda gɔd dɛn de. Dɛn nɔ ebul du natin.

1 Samiɛl 2:12

Ilaɛl in bɔypikin dɛn na bin bad baba dɛn. Dɛn nɔ bin de biev lɛk udat dɛn no PAPA GƆD.