Jɛrimaya 2:7 - Krio Fɔs Oli Baybul

⁷ Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Jɛrimaya 2:7 Iomraidhean Croise

Nɛimaya 9:25

Dɛn siz siti dɛn we gɛt tɔf sikyɔriti ɛn rich land dɛn; dɛn tek ova os dɛn we ful wit ɔlkayn gud tin, wɛl dɛn we dɛn dɔn dig, fam dɛn we kin pul wayn frɔm di greps, tik dɛn wit ɔliv ɛn ɔda frut de wɔp. Dɛn it te dɛn bɛlful. Dɛn it gud it dɛn we mek dɛn bɔdi fayn so dɛn bin jɛs de ɛnjɔy dɛnsɛf wit yu blɛsin.

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Ayzaya 19:25

we PAPA GƆD Ɔlmayti dɔn blɛs we i se, “Ijipt we na mi pipul dɛn, Asiria we na mi an a tek mek dɛn, ɛn Izrɛl we na mi pipul dɛn we a dɔn pik, go gɛt blɛsin.”

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Jɛrimaya 3:9

Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Izikɛl 20:24

bikɔs dɛn nɔ bin kɛriawt mi kɔmand dɛm, bɔt bin dɔn tɔn dɛn bak pan mi lɔ dɛm ɛn nɔ bin rɛspɛkt mi de fɔ blo ɛn rɛst, ɛn dɛn bin dɔn put at to dɛn papa dɛn laylay gɔd dɛm.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Izikɛl 23:35

Fɔseka dat, na dis Papa Gɔd we na Gɔd se: Bikɔs una dɔn fɔgɛt bɔt mi ɛn dɔn trowe mi, una lisin wetin go apin to una fɔseka una rudnɛs ɛn rare layf.”

Izikɛl 36:17

“mɔtalman, wɛn Izrɛl pipul bin tap na dɛn yon kɔntri, dɛn bin dɔti am bay aw dɛn bin de biev ɛn wetin dɛn de du; dɛn bievyɔ bifo mi bin tan lɛk we uman nɔ ba klin wɛn in mun de ɔp.

Ozie 9:3

I se dɛn nɔ go lɛf na PAPA GƆD in land we ɔltin de, bɔt Ifrem go go bak na Ijipt ɛn we dɛn de na Asiria, dɛn go it it we nɔ klin na PAPA GƆD in yay.

Mayka 2:10

I se, dɛn fɔ grap go ɔdasay bikɔs ples nɔ de fɔ dɛn de igen; dɛn dɔn dɔti wata wit dɛn sin ɛn so na pwɛl nɔmɔ PAPA GƆD gɛt fɔ pwɛl di ples.

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Ditarɔnɔmi 21:23

in de dedebɔdi nɔ fɔ de na di tik te di nɛks de. I se dɛn fɔ bɛr am di sem de lɛ dɛn nɔ mek swɛ go na di land we PAPA GƆD we na dɛn PAPA GƆD gi dɛn, bikɔs PAPA GƆD put swɛ pan dayman we ɛŋ na tik.

Ditarɔnɔmi 32:9

Na PAPA GƆD insɛf na Izrɛl dɛn Gɔd.

Ditarɔnɔmi 6:18

I prɔmis dɛn se if dɛn du di tin dɛn we go mek PAPA GƆD in at gladi, ɔltin go fayn fɔ dɛn ɛn dɛn go go tap na di gud land we PAPA GƆD bin dɔn prɔmis dɛn fɔstɛm-papa dɛn