Jɛrimaya 2:6 - Krio Fɔs Oli Baybul

⁶ Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Jɛrimaya 2:6 Iomraidhean Croise

2 Kiŋ 2:14

I tek di matirial nak di wata ɛn se, “We PAPA GƆD, Ilayja in PAPA GƆD?” Wɛn i nak di wata i plit midul, af go lɛft, af go rayt; dɔn Ilaɛlsha krɔs go oba bak.

Job 3:5

Lɛ da de de tɔn to daknɛt. Lɛ klawd kɔba am; lɛ di dak we i dak mek pipul fred am.

Job 35:10

Bɔt nɔn pan dɛn nɔ kin aks se, ‘we PAPA GƆD we mek mi, we ebul mek pipul siŋ ɔlwe dɛn gɛt trɔbul,

Di Sam Dɛm 23:4

Pan ɔl we sɔntɛnde a kin de pan trɔbul we kin mek a skyad, I kin yuz in pawa fɔ mek a no se i de wit mi. A nɔ go fred wans a no se yu de wit mi. Na yu de kɔba pan ɔlkayn bad tin.

Di Sam Dɛm 77:5

A kin mɛmba fɔstɛm, ɛn wetin bin de apin lɔntɛm;

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Ayzaya 64:7

Nɔbɔdi nɔ de we de pre to yu, we de stren insɛf fɔ go grip yu; bikɔs yu dɔn ayd yu fes pan wi, ɛn yu dɔn put wi na wi sin dɛn an.

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Jɛrimaya 5:12

Dɛn dɔn tɔk lay lay tin dɛm bɔt PAPA GƆD ɛn dɔn se, ‘I nɔ go du yu ɛnitin; natin bad nɔ go apin to wi ɛn i nɔ go kil wi ɔ mek aŋri kam na tɔŋ.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.

Jɛrimaya 51:43

Wetin apin to in siti dɛm de mek pipul fred, ɛn i dɔn tɔn land we wata nɔ de, ɛn ɛmti ples we pɔsin nɔ go ebul tap, ples we nɔn mɔtalman nɔ de pas.

Ozie 12:13

Na wan prɔfɛt PAPA GƆD yuz fɔ pul Izrɛl kɔmɔt Ijipt ɛn na prɔfɛt bak i yuz fɔ mek shɔ se dɛn de du wetin PAPA GƆD want.

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Emɔs 2:10

A pul una kɔmɔt Ijipt ɛn mek una pas na di ɛmti land we pɔsin nɔ go ebul tap fɔ foti ia fɔ mek a go gi una di Amɔrayt dɛn land.

Matyu 4:16

di pipul dɛn we bin lib de bin de na dak, dɛn nɔ bin no Gɔd, bɔt dɛn si big layt; dɛn bin tan lɛkɛ pipul we want day, bɔt di layt dɔn shayn pan dɛn.”

Ditarɔnɔmi 1:19

Mozis kɛri ɔn fɔ tɛl di Izrɛlayt dɛn ɔl wetin bin dɔn bi; I se we dɛn bin kɔmɔt Mawnt Saynay, dɛn bin si se dɛn bin pas insay da bad bad ɛmti ples we pipul nɔ go ebul tap we dɛn bin de go na di Amɔrayt dɛn kɔntri we de na dɛn il, jɛs lɛkɛ aw dɛn PAPA GƆD bin dɔn tɛl dɛn fɔ du; dɛn bin go na Kedɛsh Bania.

Ditarɔnɔmi 32:10

I fɛn dɛn na di ɛmti ples we pɔsin nɔ go ebul tap, ples we nɔbɔdi nɔ de, pas ebi ebi briz; i kɔba dɛn ɛn mɛn dɛn, i trit dɛn lɛk in bɔl yay.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Di Jɔj Dɛm 6:13

Nain Gidiɔn se, duya in beg, lɛ i ɛskyuz am, in wan aks am se if PAPA GƆD de wit dɛn, wetindu ɔl dɛn disgresful tin dɛn de, de mit dɛn. Gidiɔn aks se aw bɔt dɛn wɔnda tin dɛn we dɛn fɔstɛmpapa dɛn bin de tɛl dɛn bɔt; lɛk aw PAPA GƆD pul dɛn kɔmɔt Ijipt. Gidiɔn se PAPA GƆD luk dɔn fɔgɛt bɔt dɛn naw ɛn i dɔn alaw di Midianayt dɛn fɔ rul dɛn.