Jɛrimaya 2:3 - Krio Fɔs Oli Baybul

³ Izrɛl bin oli to PAPA GƆD, dɛn na bin di fɔs frut dɛn na di avɛst. Ɔl di wan dɛn we it pan am bin gilti stret; bad bad tin bin mit dɛm, na so PAPA GƆD se.

Jɛrimaya 2:3 Iomraidhean Croise

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Ɛksodɔs 23:16

Di sɛkɛn ɔlide na di wan we briŋ di fɔs tin dɛn we una avɛst. Dat na dɛn sid we una plant. Di las wan na di ɔlide fɔ avɛst una frut dɛn we kin mek una slip na bafa.

Ayzaya 41:11

A de tɛl yu, ɔl dɛn wan we vɛks pan yu bad bad wan go shem ɛn go sɔprayz; Dɛn wan we de fɛt yu go tan lɛk natin ɛn day.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Jɛrimaya 12:14

Na dis PAPA GƆD se bɔt ɔl mi bad bad neba dɛm we put an pan di prɔpati we a dɔn gi Izrɛl we na mi pipul dɛm, as dɛn yon prɔpati: “A de tɛl yu, a go rut dɛm kɔmɔt na dɛn land, ɛn a go rut Juda kɔmɔt pan dɛm.

Jɛrimaya 2:4

Una yɛri PAPA GƆD in wɔd, yu Jekɔb in os, ɛn ɔl di difrɛn famili dɛn na Izrɛl.

Jɛrimaya 30:16

Fɔseka dat, dɛn go kil ɔl di wan dɛn we kil una ɛn ɔl una ɛnimi dɛm go go tɔn slev; wan nɔ go lɛf; dɛn go tif ɔl di wan dɛn we tif una, ɛn a go sɔprɛs ɔl dɛn wan dɛn we sɔprɛs una.

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’

Joɛl 1:3

I se dɛn fɔ tɛl dɛn pikin dɛn; ɛn dɛnsɛf fɔ tɛl dɛn yon pikin dɛn, we go tɛl dɛn yon pikin na dɛnsɛf yon jɛnareshɔn.

Emɔs 6:1

Waala go mit una dɛn bigman dɛn we liv izi layf na Zayɔn, una dɛn agbagba dɛn we fil se ɔltin ɔrayt wit una na Sameria, una dɛn bigman dɛn na da wɔndaful kɔntri we nem Izrɛl, we na una di pipul kin de go to fɔ ɛp dɛn!

Abakɔk 1:11

Dɛn de du wetin dɛn fil fɔ du as dɛn fil se bikɔs dɛn gɛt pawa, dɛn na PAPA GƆD.

Zɛkaraya 1:15

Ɛn i vɛks bad wit dɛn kɔntri we nɔ bisin; bikɔs we i bin vɛks smɔl pan dɛn, dɛn tek am mek paspot fɔ du mɔ bad.

Zɛkaraya 2:8

So Papa GƆD we na PAPA GƆD Ɔlmayti gi am dis mɛsej fɔ ɔl dɛn neshɔn we bin de ambɔg dɛn: I se if ɛnibɔdi ambɔg dɛn, nain dɛn ambɔg bikɔs dɛn nain bɔlyay.

Di Nɔmba Dɛm 18:12

“Ɔl di ɔliv ɔyl we fayn pas ɔl, di wayn we fayn pas ɔl pan di fɔs wayn we dɛn pul, dɛn sid dɛn we dɛn kin gi PAPA GƆD as di fɔs tin we dɛn avɛst na dɛn a de gi una.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Lɛta Fɔ Rom 16:5

A de tɛl dɛn Kristiɛn we de kip mitin na Prisila ɛn Akwila dɛn os, adu. A de tɛl mi gud padi, Ipinitɔs, adu, nain na di fɔs pɔsin we biliv pan Krays na wan pat na Eshya.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Ditarɔnɔmi 14:2

I tɛl dɛn se dɛn fɔ no se dɛn na pipul dɛn we PAPA GƆD insɛf dɔn pik pan ɔl di ɔda pipul dɛn we de na dis wɔl, fɔ bi in yon pipul dɛn.

Ditarɔnɔmi 26:19

Mozis tɛl dɛn se, PAPA GƆD dɔn prɔmis dɛn se, in go mek Izrɛl shayn na di wanol wɔl; i go mek dɛn gɛt pawa pas ɔl ɔda neshɔn dɛn na di wɔl, dɛn go yɛri bɔt dɛn, tɔk dɛn gud nem, ɛn rɛspɛkt dɛn ɔlsay na di wɔl.

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.