Jɛrimaya 16:5 - Krio Fɔs Oli Baybul

⁵ “Bikɔs na dis PAPA GƆD se: Una nɔ go insay ɛni os we bɛrin de, ɔ go kray fɔ ɛnibɔdi ɔ sɔri wit dɛm; bikɔs a dɔn tek mi pis kɔmɔt pan dɛn pipul dɛn ya, mi lɛk we a lɛk dɛm we nɔ de shek ɛn mi masi. Na so PAPA GƆD se.

Jɛrimaya 16:5 Iomraidhean Croise

Di Sam Dɛm 25:6

Nɔ fɔgɛt aw yu bin dɔn de sho se yu gud, ɛn yu lɛk wi pipul we bin de lɔntɛm.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Jɛrimaya 12:12

Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 16:13

fɔseka dat, a go trowe una kɔmɔt na dis land go na wan land we una ɔ una fɔstɛmpapa dɛm nɔ no, ɛn na de una go sav ɔda gɔd dɛm de ɛn nɛt, bikɔs a nɔ go sho una masi.’

Lamɛnteshɔn 3:17

Dɛn dɔn mek a nɔ gɛt wan pis, A dɔn fɔgɛt wetin gladi gladi min;

Zɛkaraya 8:10

I se, bifo da tɛm de, nɔbɔdi nɔ bin de pe fɔ in kɔmpin mɔtalman ɔ fɔ animal ɛn i nɔ bin izi fɔ man fɔ waka na trit ɛn in ɛnimi nɔ atak am, bikɔs in bin mek mɔtalman nɔ wan si in kɔmpin.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Rɛvɛleshɔn 6:4

Wan ɔda ɔs kɔmɔt, na bin rɛd ɔs. Dɛn gi di wan we bin de rayd am pawa fɔ briŋ wa kam na wɔl so dat mɔtalman kin de kil dɛn kɔmpin; dɛn gi am sɔd fɔ ol nain an.