Jɛrimaya 16:4 - Krio Fɔs Oli Baybul

⁴ Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 16:4 Iomraidhean Croise

2 Kiŋ 9:10

I se dɔg dɛn go it Jɛzibɛl in dedebɔdi na Jɛzril ɛn nɔbɔdi nɔ go bɛr am. Wɛn di prɔfɛt dɔn tɔk dɔn, i opin di do ɛn rɔn go.

Di Sam Dɛm 78:64

Dɛn kil dɛn man we bin de mek sakrifays fɔ pipul sin dɛn dɔn dɛn wɛf dɛn nɔ gɛt tɛm fɔ munin fɔ dɛn.

Di Sam Dɛm 83:10

Yu dɔnawe wit dɛn na Ɛndɔ yu mek dɛn fiba dɔti na grɔn.

Ayzaya 18:6

Dɛn ɔl go lɛf to dɛn bɔd we de na dɛn mawnten de ɔntin ɛn kil ɔda animal dɛn fɔ it, ɛn to dɛn animal dɛn we de na di wɔl. Di bɔd dɛn we de ɔntin ɛn kil ɔda animal dɛn fɔ it, go it dɛn durin dray sizin, ɛn di animal dɛn na wɔl go it dɛn ren sizin.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Jɛrimaya 21:6

Ɛn a go kil ɔl dɛn wan dɛm we tap na dis siti, dat na mɔtalman ɛn animal; na ebi ebi siknɛs go kil dɛm.

Jɛrimaya 25:33

“Ɛn di wan dɛn we PAPA GƆD go kil da de de, go kɔmɔt frɔm wan say na wɔl to di ɔda. Nɔbɔdi nɔ go kray fɔ dɛm, ɔ gɛda dɛm ɔ bɛr dɛm; dɛn go tɔn manyɔ na grɔn.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 34:20

ɛn a go mek dɛn ɛnimi dɛm ɛn dɛn wan dɛm we wan kil dɛm, kapchɔ dɛm. Na dɛn bɔd we de flay ɔp klawd ɛn dɛn animal dɛn go it dɛn dedebɔdi.

Jɛrimaya 36:30

Fɔseka dat, na dis PAPA GƆD se bɔt Jɛoiakim we na kiŋ na Juda. I nɔ gɛt nɔn pikin nain layn we go sidɔm na Devid in tron, ɛn in, dɛn go trowe in dedebɔdi usay san go de bɔn am de tɛm, kol go mit am na nɛt.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 44:27

Biliv mi, a de wach dɛm fɔ du dɛm bad ɛn nɔto fɔ du dɛm gud; ɔl di man dɛm we kɔmɔt Juda go tap na Ijipt go day na wa ɛn wit bad bad aŋri, te nɔn pan dɛn nɔ lɛf.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

Jɛrimaya 9:22

Tɔk se, “Na so PAPA GƆD se: “Dɛn man dɛn dedebɔdi dɛn go fɔdɔm lɛkɛ kaw pupu na fam, lɛkɛ kɔn we nɔbɔdi nɔ gɛda, ɛn nɔbɔdi nɔ go gɛda dɛm.’”

Lamɛnteshɔn 4:9

Di wan dɛn we dɛn bin kil na di wa bɛtɛ pas di wan dɛn we aŋri kil, we aŋri mɔna te dɛn day bikɔs dɛn nɔ gɛt it fɔ it.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Zɛfinaya 1:17

PAPA GƆD se in go mek di man dɛn at pwɛl, dɔn dɛn go bigin du tiŋs lɛk udat blɛn bikɔs dɛn ɔl dɔn sin; dɛn blɔd nɔ go min natin igen ɛn dɛn dedebɔdi ɔl go skata na grɔn we nɔbɔdi nɔ go bisin.

Ditarɔnɔmi 28:22

PAPA GƆD go mek dɛn jɔs de kɔf, dɛn go jɔs de fil fiva ɛn dɛn bɔdi dɛn go jɔs de swɛl ɛn de wam. Di ples go de ɔt bad bad wan. I go so ɔt dat di grɔn go jɔs de dray, ɛn natin nɔ go de gro, we na dat go kil dɛn ɔl.

Ditarɔnɔmi 28:26

Na bɔd ɛn animal go it dɛn de dedebɔdi dɛn, ɛn nɔbɔdi nɔ go de fɔ drɛb dɛn.