Jɛrimaya 1:18 - Krio Fɔs Oli Baybul

¹⁸ Ɛn a de tɛl yu, a de mek wan siti we gɛt protɛkshɔn fɔ yu, ayɛn pila, ɛn bras wɔl dɛm, agens di wanol land, agens di kiŋ dɛn na Juda, in bigman dɛm, in man dɛm we de mek sakrifays fɔ pipul sin, ɛn di pipul dɛn na di land.

Jɛrimaya 1:18 Iomraidhean Croise

Ayzaya 50:7

Bikɔs Papa Gɔd we na Gɔd de ɛp mi; Na dat mek dɛn nɔ ebul mi; fɔseka dat, a dɔn mek mi fes lɛk ayɛn ston; ɛn a no se dɛn nɔ go ebul mek a shem.

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.

Jɛrimaya 15:10

Trɔbul dɔn mit mi o, mi mami, we yu bɔn mi fɔ de gɛt kɔntɔfili ɛn waala wit ɔlman na di land! A nɔ trɔs to nɔbɔdi wande ɛn a nɔ lɛnt nɔbɔdi, pan ɔl dat, dɛn ɔl de kɔs mi.

Jɛrimaya 15:20

Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 21:4

“Go tɛl Zɛdikaya se, ‘Na dis PAPA GƆD we na Izrɛl dɛn Gɔd se: A go gɛda ɔl di wɛpɔn dɛm fɔ fɛt wa, we de na una an, we una de yuz fɔ fɛt di kiŋ na Babilɔn, ɛn di Babilonian dɛm we sɔrawnd una na do na una wɔl dɛm; ɛn a go briŋ dɛm ɔl kam put na di siti sɛnta.

Jɛrimaya 26:24

Bɔt Aikam, we na Shafan in bɔypikin, bin de wit Jɛrimaya, we mek dɛn nɔ gi am to di pipul dɛm, fɔ mek dɛn kil am.

Jɛrimaya 34:3

Yu nɔ go ɛskep, bɔt dɛn go kapchɔ yu kɛr go to am; yu go si di kiŋ na Babilɔn kojuma koju, ɛn yu go tɔk to am fes to fes; ɛn yu go go na Babilɔn.’

Jɛrimaya 37:7

“Na dis PAPA GƆD we na Izrɛl dɛn Gɔd se: Na dis yu go tɛl di kiŋ na Juda we sɛn yu fɔ kam fɛnɔt to mi, ‘A de tɛl yu. Fero in ami we kam ɛp una, de rɛdi fɔ go na Ijipt we na dɛn yon land.

Jɛrimaya 38:18

Bɔt if yu nɔ sɔrɛnda to di kiŋ na Babilɔn in bigman dɛm, I go gi di siti to di Babilonian dɛn, ɛn dɛn go bɔn am wit faya, ɛn yu nɔ go ɛskep.

Jɛrimaya 38:2

“Na dis PAPA GƆD se. Ɛnibɔdi we go kɔntinyu fɔ tap na dis siti, go day na wa, wit bad bad aŋri ɔ bay siknɛs; bɔt di wan dɛn we go to di Babilonian dɛm, dɛn layf go sev; dɛn layf go bi di prayz fɔ wa, ɛn dɛn nɔ go day.

Jɛrimaya 42:22

So una no naw se tabi tabi nɔ de, una go day na wa, una go day wit bad bad aŋri, ɛn wit siknɛs na di ples we una at de gi una fɔ go tap.”

Jɛrimaya 6:27

“A dɔn mek yu di pɔsin we de tɛst mi pipul dɛm ɛn mek dɛn biev bɛtɛ pas fɔs, so dat yu go no ɛn tɛst dɛn aw dɛn liv ɛn wetin dɛn de du.

Jɔn 1:42

Andru kɛr Saymɔn go to Jizɔs. Jizɔs luk Saymɔn ɛn se, “Yu nem na Saymɔn ɛn yu na Jɔn in pikin, bɔt yu nem go bi Sifas.” (Sifas ɛn Pita gɛt di sem minin, dat na “Rɔk”.)

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.