Jɛnɛsis 26:3 - Krio Fɔs Oli Baybul

³ Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Jɛnɛsis 26:3 Iomraidhean Croise

Jɛnɛsis 28:15

Mɛmba se, A go de wit yu ɛnisay yu go. A go gyad yu, ɛn briŋ yu kam bak na dis land. A nɔ go kɔmɔt biɛn yu sote a dɔn du ɔl wetin a dɔn prɔmis yu.”

Di Sam Dɛm 105:9

Dat na di Kɔvinant we i mek wit Ebraam, ɛn di swɛ we i swɛ to Ayzak.

Jɛnɛsis 20:1

Ebraam muf kɔmɔt Mamrɛ ɛn go sawt fɔ go na Nɛgɛv pat ful ɛn tap bitwin Kedɛsh ɛn Shɔ na wan ples we nem Gɛra.

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Jɛnɛsis 13:17

Naw, go luk ɔl di land, bikɔs a de kam gi yu ɔl.”

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Di Ibru Pipul Dɛn 11:9

Na bikɔs Ebraam bin biliv Gɔd mek i bin go na di ples we Gɔd prɔmis fɔ gi am, i bin tap na bafa lɛkɛ trenja. Na bafa Ebraam, Ayzak ɛn Jekɔb bin tap, bikɔs na to dɛn Gɔd bin mek di prɔmis.

Lɛta Fɔ Filipay 4:9

Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

Ayzaya 43:5

Nɔ fred, bikɔs a de wit yu A go briŋ yu pikin dɛm kɔmɔt na di ist ɛn a go gɛda yu kɔmɔt na di wɛst;

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Di Sam Dɛm 32:8

PAPA GƆD se, “A go tich yu ɛn tɛl yu wetin fɔ du mi yay go fala yu, ɛnisay we yu go.”

Jɛnɛsis 39:21

Bɔt PAPA GƆD bin de wit Josɛf ɛn i blɛs am, ɛn mek di wɔda lɛk in biznɛs.

Jɛnɛsis 39:2

PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

Jɛnɛsis 26:14

Bikɔs i bin gɛt bɔku, bɔku got, ship, kaw ɛn wokman dɛn, di Filistin dɛn bigin jɛlɔs am,

Jɛnɛsis 26:12

Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am.

Di Ibru Pipul Dɛn 6:17

Gɔd bin want sho dɛn pipul we i go gi wetin i bin dɔn prɔmis, klia wan se, in nɔ go chenj in maynd. Na dat mek i bin tek in nem tek oth se, in go du wetin i bin dɔn prɔmis se in go du.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Di Sam Dɛm 39:12

“PAPA GƆD, yɛri mi prea, nɔ mek dɛfyes we a de kray to yu fɔ ɛp mi. Mi na yu trenja lɛkɛ aw mi fɔstɛm pipul bin bi trenja.

Jɛnɛsis 25:11

Afta Ebraam dɔn day, PAPA GƆD blɛs Ayzak we bin tap na Bia-laay-rɔy.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Jɛnɛsis 31:3

Nain PAPA GƆD tɛl Jekɔb se, “Go bak to yu fambul dɛn na da kɔntri we yu papa dɛn kɔmɔt. A go de wit yu.”

Jɛnɛsis 35:12

A go gi yu di land we a bin gi Ebraam ɛn Ayzak, ɛn a go gi am to yu ɛn yu jɛnareshɔn dɛn.”

Jɛnɛsis 48:21

Dɛn Jekɔb tɛl Josɛf se, na day in de day so, bɔt PAPA GƆD go de wit yu ɛn i go kɛr am go bak na di land usay in pipul dɛn kɔmɔt.

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Ɛksodɔs 6:4

A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Ɛksodɔs 6:8

A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”

Ditarɔnɔmi 1:8

I se in PAPA GƆD dɔn gi dɛn ɔl di land, so dɛn fɔ go kapchɔ am ɛn tap na di land we PAPA GƆD bin dɔn prɔmis dɛn fɔstɛm-papa dɛn, Ebraam, Ayzak ɛn Jekɔb se i go gi dɛn ɛn dɛn grampikin dɛn we nɔ bɔn yet.

Ditarɔnɔmi 34:4

Nain PAPA GƆD tɛl am se, na di land dawande we i bin swɛ to Ebraam, Ayzak ɛn Jekɔb se i go gi dɛn jɛnareshɔn. I tɛl am se, I dɔn mek i si am wit in yay, bɔt i nɔ go gri mek i go de.

1 Kronikuls 16:16

Di Kɔvinant we i mek wit Ebraam; di swɛ we i swɛ to Ayzak,

Jɛnɛsis 17:19

Dɛn PAPA GƆD se, “Nɔ-o! Yu wɛf Sera go bɔn bɔypikin fɔ yu ɛn yu fɔ gi am nem Ayzak. A go mek mi Kɔvinant wit am ɛn wit insɛf yon jɛnareshɔn dɛn, we go bi Kɔvinant we gɛt fɔ de sote go.

Ɛksodɔs 2:24

PAPA GƆD yɛri we dɛn de kray ɛn i mɛmba di Kɔvinant we i bin dɔn mek wit Ebraam, Ayzak ɛn Jekɔb.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Di Sam Dɛm 105:8

I go kip in Kɔvinant sote go, dɔn i nɔ go ɛva fɔgɛt di prɔmis dɛn we i mek to una.