Jems 5:9 - Krio Fɔs Oli Baybul

⁹ Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Jems 5:9 Iomraidhean Croise

Jɛnɛsis 4:7

If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Di Sam Dɛm 59:15

Lɛkɛ di dɔg dɛn, dɛn go de fɛn tin fɔ it ɛn if dɛn nɔ gɛt wetin dɛn want, trɔbul go fɔdɔm.

Izikɛl 7:12

Di tɛm dɔn kam, di de dɔn kam nia. Lɛ dɛn wan dɛn we de bay nɔ gladi, ɛn lɛ di wan dɛn we de sɛl nɔ fil sɔri, bikɔs big big waala dɔn mit ɔl dɛn pipul dɛn.

Lɛvitikɔs 19:18

Pɔsin nɔ fɔ du bad to udat du am bad ɛn i nɔ fɔ kip in kɔmpin na at bɔt i fɔ lɛk in kɔmpin lɛk aw i lɛk insɛf: i se nain na PAPA GƆD.

Matyu 24:33

Semwe so, wɛn una si ɔl dɛn tin de, una go no se di tɛm we Mɔtalman Pikin fɔ kam dɔn de klos.

Mak 13:29

Semwe so, wɛn una si dɛn tin we a tɛl una, de bi, una go no se di tɛm we Mɔtalman Pikin fɔ kam dɔn de klos.

Mak 6:19

Dat mek Ɛrodias mɛmba bad fɔ Jɔn ɛn i bin want mek dɛn kil am, bɔt i nɔ bin ebul du ɛnitin bikɔs Ɛrɔd nɔ bin gri fɔ kil am.

1 Kɔrint 10:11

Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔŋ fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

2 Kɔrint 9:7

So ɔlman fɔ gi wetin i mekɔp fɔ gi, i nɔ fɔ sɔri ɛn i nɔ fɔ jɛs gi nɔmɔ bikɔs dɛn fos am fɔ gi; Gɔd lɛk pɔsin we gladi fɔ gi wetin i de gi.

Lɛta Fɔ Galeshya 5:14

Ɔl di Ju Lɔ tay insay wan lɔ we se: “Pɔsin fɔ lɛk in kɔmpin mɔtalman lɛkɛ aw i lɛk insɛf.”

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 4:12

Na Gɔd wangren gɛt pawa fɔ gi pipul Lɔ, nain wangren gɛt pawa fɔ jɔj, nain wangren gɛt pawa fɔ sev pipul mek dɛn nɔ day, ɛn nain gɛt pawa fɔ mek pipul day. Udat na una fɔ de jɔj una kɔmpin mɔtalman?

Jems 5:10

Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Pita In Fɔs Lɛta 4:5

Bɔt dɛn go gɛt fɔ ansa to Gɔd, we go jɔj dɛn wan we nɔ day yet ɛn dɛn wan we dɔn day, i nɔ go te igen.

Pita In Fɔs Lɛta 4:9

Una fɔ gladi wɛn una kɔmpin Kristiɛn dɛn kam fɛn una, una nɔ fɔ de grɔmbul wɛn dɛn kam.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.