Jems 5:7 - Krio Fɔs Oli Baybul

⁷ Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Jems 5:7 Iomraidhean Croise

Jɛrimaya 5:24

Dɛn nɔ de tɔk na dɛn at se, ‘Lɛ wi fred PAPA GƆD we na wi Gɔd, we de gi wi ren, ren sizin, di amatan ren, ɛn di draysizin ren, ɛn de kip, di wik dɛm fɔ di avɛst, fɔ wi.’

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Joɛl 2:23

I se di pipul na Zayɔn fɔ gladi dɛn fɔ fil gud fɔseka PAPA GƆD, we na dɛn GƆD bikɔs i dɔn sɛn ren kwik fɔ mek dɛn no se i min wetin i se. I sɛn di ren bɔku bɔku wan kam dɔŋ di wan we kam kwik o ɛn di wan we kam leta lɛk aw dɛn fɔ kam.

Zɛkaraya 10:1

Aks PAPA GƆD fɔ ren, ren sizin. Na PAPA GƆD de mek di klawd dak we de briŋ ren kam, so dat mɔtalman go gɛt ren ɛn di plant dɛnsɛf go gɛt.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

Matyu 24:27

Mɔtalman Pikin go kam lɛkɛ aw laytin kin kɔt ɔlɔbɔt na di klawd.

Matyu 24:44

So, unasɛf fɔ rɛdi ɔltɛm, bikɔs Mɔtalman Pikin go kam di tɛm we una nɔ mekɔp se i go kam.

Lyuk 18:8

A de tɛl una se, i nɔ go te, Gɔd go tek in pipul dɛn kes ɛn fɛt fɔ dɛn! Pan ɔl dat, wɛn Mɔtalman Pikin go kam bak, a wɔnda if i go mit pipul na di wɔl we biliv pan am!”

Lyuk 21:27

Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Jɔn 21:22

Jizɔs ansa se, “If a want mek i de na wɔl sote a kam bak, uswan na yu yon de? Yu du wetin a tɛl yu fɔ du.”

Jɔn 21:23

Di wɔd go rawnd to ɔl di pipul dɛn we bin biliv pan Jizɔs se, di lanin bɔy we Jizɔs lɛk nɔ go day. Bɔt Jizɔs nɔ bin se di lanin bɔy nɔ go day, i bin jɛs se, “If a want mek i de na wɔl sote a kam bak, uswan na yu yon de?”

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

1 Kɔrint 1:7

dat una dɔn gɛt ɔl dɛn blɛsin we Gɔd de gi naw, we una de wet mek Jizɔs Krays kam bak.

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Ditarɔnɔmi 11:14

PAPA GƆD go mek ren de kam tu tɛm fɔ ia na di land, so dat dɛn go ebul gɛt plɛnti ɔyl, kɔn, rɛs en tin dɛn fɔ drink.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Fɔs Lɛta Fɔ Tɛsalonayka 2:19

Unasɛf no se na una ɛn ɔl dɛn ɔda pipul we biliv pan Krays de mek wi abop ɛn gladi ɛn una go mek wi prawd wɛn wi tinap bifo wi Masta Jizɔs wɛn i kam bak!

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Di Ibru Pipul Dɛn 6:15

Bikɔs Gɔd bin dɔn prɔmis dat, Ebraam nɔ bin dawt, so i gɛt ɔl wetin Gɔd bin dɔn prɔmis se i go gi am.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 5:10

Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.

Jems 5:3

Una silva ɛn gold dɔn rɔsti. Di rɔsti we una silva ɛn gold dɔn rɔsti, nain go kɔndɛm una ɛn i go it una bɔdi lɛkɛ aw faya kin du. Na da kayn jɛntri de una dɔn gɛda fɔ di tɛm we Gɔd go jɔj mɔtalman.

Pita In Sɛkɛn Lɛta 3:4

Dɛn go de se, “We di pɔsin we dɛn bin se go kam? Frɔm we wi grampapa papa dɛn day te tide natin nɔ chenj na di wɔl; natin nɔ chenj frɔm di tɛm we Gɔd mek di wɔl!”