Jems 5:5 - Krio Fɔs Oli Baybul

⁵ Una dɔn gɛt ɔl dɛn fayn fayn tin we una want na wɔl, ɛn una dɔn du ɔl wetin una lɛk fɔ du. Ɔl dɛn tin ya mek una tan lɛkɛ ɔg we dɔn fat rɛdi fɔ mek dɛn kil am.

Jems 5:5 Iomraidhean Croise

Di Sam Dɛm 17:14

Pul mi kɔmɔt na dɛn an, dɛn, we na dis wɔl nɔmɔ dɛn abop pan. Bɔt lɛ dɛn wan we lɛk yu gɛt wetin dɛn want ɔltɛm; lɛ dɛn pikin ɛn grampikin dɛnsɛf gɛt pasmak.

Di Sam Dɛm 73:7

Dɛn nɔ gɛt filin so dɛn nɔ bisin bɔt wetin dɛn de du; na bad nɔmɔ dɛn de mɛmba

Prɔvabs 17:1

I bɛtɛ lɛ yu it dray bred wit kolat pas fɔ de it am ɛn bekin wit dombolo.

Prɔvabs 7:14

in mek sakrifays to PAPA GƆD da de de fɔ du wetin i prɔmis ɛn bɔku tin de nain os fɔ it.

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Ayzaya 22:13

bɔt wetin apin? Jɔy ɛn gladi gladi, de kil kaw ɛn kil ship, de it bif ɛn drink wayn. “Lɛ wi it ɛn drink bikɔs wande, wi gɛt fɔ day.”

Ayzaya 3:16

PAPA GƆD se: Bikɔs di uman dɛn na Zayɔn prawd ɛn de lɔŋ dɛn nɛk we dɛn de waka, de luk fɔ man fɔ lidɔm wit, dɛn de spot chɛp chɛp we dɛn de waka, ɛn di baŋuls dɛn de nak na dɛn fut;

Ayzaya 47:8

Fɔseka dat, lisin, yu we lɛk ɛnjɔymɛnt, we sidɔm sef wan, de tɔk na yu at se, “na Mi, ɛn nɔbɔdi nɔ de we bɛtɛ pas mi; A nɔ go sidɔm lɛk unam we in man dɔn day ɔ we no wetin i min fɔ bɛr pikin.”

Ayzaya 56:12

Dɛn se, “kam, lɛ wi go drink wayn, lɛ wi bɛlful wit rɔm; ɛn tumara go bi lɛk tide, i go bɛtɛ pas tide sɛf.”

Jɛrimaya 12:3

E PAPA GƆD, yu no mi; yu de si mi, ɛn yu kin tɛst fɔ no di kayn maynd we a gɛt fɔ yu. Pul dɛm kɔmɔt na do lɛk ship we dɛn de go kil, ɛn put dɛm wansay fɔ di de we dɛn kin kil dɛm.

Jɛrimaya 25:34

“Una ala ɛn kray, una dɛn shɛpad dɛm, ɛn una rolpan asis una we gɛt di ship dɛm, bikɔs di de fɔ kil una ɛn skata una dɔn kam, ɛn yu go day lɛkɛ man ship we dɛn pik bikɔs i fat.

Izikɛl 16:49

Na dis yu sista Sɔdɔm gilti bɔt; in ɛn in gyal pikin dɛn bin prawd, dɛn bin gɛt tumɔs fɔ it ɛn bin gɛt alafia, bɔt dɛn nɔ bin ɛp di po wan dɛn ɛn di wan dɛm we kin want sɔntin bad bad wan na layf.

Izikɛl 39:17

“As fɔ yu, mɔtalman, na dis Papa Gɔd we na Gɔd se: Tɔk to ɔl dɛn kayn bɔd ɛn to ɔl di animal dɛn na bush, ‘gɛda dɛm togɛda ɛn kam, gɛda dɛm kɔmɔt ɔlsay ɛn briŋ dɛn kam na di sakrifishal fist we a de rɛdi fɔ una, wan big big sakrifishal fist na di mawten dɛn na Izrɛl, ɛn una go it flɛsh dɛn ɛn drink blɔd.

Emɔs 6:1

Waala go mit una dɛn bigman dɛn we liv izi layf na Zayɔn, una dɛn agbagba dɛn we fil se ɔltin ɔrayt wit una na Sameria, una dɛn bigman dɛn na da wɔndaful kɔntri we nem Izrɛl, we na una di pipul kin de go to fɔ ɛp dɛn!

Lyuk 16:19

“Wan jɛntri man bin de we kin de wɛr dɛn dia klos lɛkɛ silk ɛn saten. I kin de kuk plɛnti it ɛn kɔl pipul kam it ɛvri de.

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Fɔs Lɛta To Timoti 5:6

Bɔt uman we in man dɔn day we jɛs liv fɔ ɛnjɔy layf, na uman we dɔn day pan ɔl we i gɛt layf.

Sɛkɛn Lɛta To Timoti 3:4

dɛn nɔto pipul we ɛnibɔdi go abop pan; dɛn nɔ go bisin if dɛn de du tin we bad ɛn dɛn go prawd bad; dɛn go lɛk fɔ ɛnjɔy dɛnsɛf, dɛn nɔ go lɛk Gɔd;

Pita In Sɛkɛn Lɛta 2:13

ɛn dɛn go sɔfa fɔ di bad we dɛn dɔn du ɔda pipul. Dɛn gladi fɔ du ɛnitin we dɛn lɛk wit dɛn bɔdi, de tɛm. Dɛn de disgres una we una ɔl de it wan ples ɛn di bad we dɛn de du de mek dɛn gladi.

Jud In Lɛta 1:12

Wɛn una ɔl we biliv pan Krays gɛda wan ples fɔ it, bay aw dɛn pipul ya kin de it, yu kin si se dɛn nɔ gɛt shem ɛn dɛn nɔ de mɛmba ɔda pipul, dat mek dɛn tan lɛkɛ dɔti pan klin klos; dɛn tan lɛkɛ klawd we kin dak lɛkɛ se ren want kam, bɔt briz kin blo am go; ɛn igen, dɛn tan lɛkɛ dɛn tik we nɔ de bia di tɛm we dɛn fɔ bia, we sho se dɛn dɔn day ɛn wɛn pɔsin dɔn rut dɛn, dɛn day ɔltogɛda.

Rɛvɛleshɔn 18:7

Mek i pɔnish gud fashin ɛn mek in at ebi lɛkɛ aw i bin mek insɛf impɔtant ɛn i bin de ɛnjɔy layf. I de tɔk to insɛf se, ‘Mi na kwin, mi nɔto uman we in man dɔn day; kray nɔ go de na mi yay.’

1 Samiɛl 25:36

Wɛn Abigɛl tɔn bak, i mit Nebal de mek big big pati lɛkɛ se in na kiŋ. I bin gladi ɛn i bin dɔn tot am. So Abigɛl nɔ se natin to am te do klin.

1 Samiɛl 25:6

I tɛl dɛn fɔ tɔk fayn to am, wish lɔŋ layf ɛn wɛl bɔdi fɔ in ɛn in fambul dɛn ɛn tɛl am se dɛn want mek PAPA GƆD blɛs ɔl wetin i de put in an pan fɔ du.