Jems 5:3 - Krio Fɔs Oli Baybul

³ Una silva ɛn gold dɔn rɔsti. Di rɔsti we una silva ɛn gold dɔn rɔsti, nain go kɔndɛm una ɛn i go it una bɔdi lɛkɛ aw faya kin du. Na da kayn jɛntri de una dɔn gɛda fɔ di tɛm we Gɔd go jɔj mɔtalman.

Jems 5:3 Iomraidhean Croise

Jɛnɛsis 31:48

Leban se, “Lɛ dis payl bi witnɛs fɔ mi ɛn yu tide fɔ mɛmba wi bɔt dis bagin. Na dat mek di ples nem Galid.”

Jɛnɛsis 31:52

dɛn tu na witnɛs, ɛn nɔn pan wi nɔ fɔ krɔs de fɔ go ambɔg in kɔmpin.

Jɛnɛsis 49:1

Jekɔb bin kɔl ɔl in bɔypikin dɛn, ɛn i se, “Una kam rawnd mi mek a tɛl una wetin go gɛt fɔ apin to una bambay:

Job 16:8

Ɛn i dɔn mek a dɔn twis twis, we de sho se mi na sina; I mek a ridyus to bon bon, dat sɛf de sho na mi fes.

Ayzaya 2:2

Di tɛm go kam we di mawnten na PAPA GƆD in os go bi di mawnten we ay pas ɔl dɛn mawten dɛm ɛn go ay pas ɔl dɛn il dɛm, ɛn ɔlman go go de,

Jɛrimaya 19:9

A go mek dɛn it dɛn bɔypikin ɛn gyalpikin dɛm, ɛn ɔlman go de it in neba, di tɛm we dɛn go sɔrawnd dɛm ɛn distrɛs dɛm, we na dat dɛn ɛnimi dɛm ɛn dɛn wan we de afta dɛn layf, de tek mɔna dɛm.

Mayka 3:3

ɛn lɛk wayl bif, na so dɛn de nyamanyama di pipul dɛn.

Mayka 4:1

Wande wande di mawnten usay PAPA GƆD in os de go bi di mawnten we ay pas ɔl, ɛn i go ay sɛf pas di il dɛn. Bɔku ɔda neshɔn dɛn go wan fɔ go de,

Apɔsul Dɛn Wok 2:17

‘Gɔd se, “Na di tin dis we a go du wɛn di wɔl want dɔn, a go gi ɔlman mi Spirit. Una gyal pikin ɛn una bɔy pikin dɛn go tɛl pipul mi mɛsej; una yɔŋ man dɛn go si tin we a sho dɛn, ɛn una ol man dɛn go drim plɛnti tin.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Sɛkɛn Lɛta To Timoti 2:17

Di tin we dɛn de lan pipul tan lɛkɛ sofut we de it di say we i de pan di bɔdi go insay. Tu pan dɛn ticha ya na Imɛniɔs ɛn Faylitɔs.

Jɔshwa 24:27

Nain Jɔshwa se na di ston na dɛn witnɛs inkes di Izrɛlayt dɛn kɔmɔ biɛn PAPA GƆD, bikɔs di ston yɛri ɔl wetin dɛn bin de se.

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”