Jems 5:11 - Krio Fɔs Oli Baybul

¹¹ Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Jems 5:11 Iomraidhean Croise

1 Kronikuls 21:13

Nain Devid tɛl Gad se, “Dis tin ya mɔna mi; mek a fɔdɔm na PAPA GƆD an, bikɔs i gɛt ebi ebi sɔri at; bɔt mek a nɔ fɔdɔm na mɔtalman an.

2 Kronikuls 30:9

Bikɔs if una tɔn bak to PAPA GƆD una brɔda dɛm ɛn una pikin dɛm go gɛt sɔri to di wan dɛn we kech dɛm. Ɛn tɔn bak kam na dis ples. Bikɔs PAPA GƆD una Gɔd i de mɛmba ɛn i gɛt sɔri at ɛn i nɔ go tɔn in fes kɔmɔt to una if una tɔn bak to am.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Nɛimaya 9:31

Bɔt yu nɔ kɔmɔt biɛn dɛn ɔ lɛf dɛn to dɛnsɛf, bikɔs yu na gud PAPA GƆD ɛn yu de sho masi ɔltɛm.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Job 1:2

I bin bɔn sɛvin bɔypikin ɛn tri gyal pikin.

Job 2:10

Job tɛl am se i de tɔk lɛk udat nɔ no PAPA GƆD. I se if dɛn fɔ gladi we PAPA GƆD du gud fɔ dɛn bɔt kɔmplen we bad tin bi to dɛn.

Job 23:10

Bɔt PAPA GƆD no usay a go ebul fɛn am; we i dɔn tɛst mi dɔn, i go si se a klin lɛk gold.

Di Sam Dɛm 103:13

Lɛkɛ aw papa kin sɔri fɔ in pikin, na so PAPA GƆD de sɔri fɔ pɔsin we gɛt fred ɛn rɛspɛkt fɔ am;

Di Sam Dɛm 103:8

PAPA GƆD gɛt sɔri-at bad, i nɔ de vɛks kwik bɔt i rɛdi fɔ sho wi aw i lɛk wi.

Di Sam Dɛm 116:5

PAPA GƆD gud ɛn i de tin tret wan; i gɛt bad bad sɔri-at.

Di Sam Dɛm 119:132

Nɔ fɔgɛt mi, av masi pan mi, trit mi lɛkɛ aw yu kin trit udat lɛk yu.

Di Sam Dɛm 145:8

PAPA GƆD gud ɛn i gɛt sɔri-at, i nɔ de vɛks kwik ɛn in lɔv beberebe.

Di Sam Dɛm 37:37

Wach di man we gud ɛn we de du wetin rayt; na pɔsin we gɛt kol at ɛn bɛtɛ go fala am ɔltɛm.

Di Sam Dɛm 51:1

PAPA GƆD av masi pan mi, bikɔs di lɔv we nɔ de ɛva chenj. Bikɔs yu gɛt sɔri-at, wep mi sin kɔmɔt pan mi.

Di Sam Dɛm 78:38

Pan ɔl dat, PAPA GƆD sho dɛn masi; i fɔgiv dɛn fɔ dɛn sin ɛn nɔ fala dɛn fɔ pwɛl dɛn. Ɔl di tɛm i de bia wit dɛn ɛn nɔ de gri mek i vɛks pan dɛn pasmak.

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Di Sam Dɛm 94:12

PAPA GƆD, di pɔsin we yu de kɔrɛkt, gɛt blɛsin, in na pɔsin we de lan yu lɔ;

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Ɛkliziastis 7:8

Aw sɔntin tan we i dɔn dɔn, bɛtɛ pas aw i bin tan we i bin bigin; pɔsin we peshɛnt wit PAPA GƆD nain at, bɛtɛ pas di wan we prawd.

Ayzaya 63:7

A go tɔk bɔt PAPA GƆD in lɔv we nɔ de chenj, PAPA GƆD in prez, bay ɔl wetin PAPA GƆD dɔn gi wi, ɛn di wɔndaful gud we i gud to Izrɛl we I du fɔ dɛn bikɔs i sɔri fɔ dɛm, bay aw in lɔv we nɔ de chenj, de abɔmpa.

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Lamɛnteshɔn 3:22

na PAPA GƆD in lɛknɛs fɔ mɔtalman we nɔ de dɔn, in sɔri-at nɔ de dɔn atɔl;

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Joɛl 2:13

ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Lyuk 1:50

frɔm tɛm, i de sɔri fɔ ɔl dɛn wan we rɛspɛkt am.

Lyuk 11:10

Ɛnibɔdi we aks, go gɛt wetin i want. Ɛnibɔdi we luk gud, go gɛt wetin i de luk fɔ. Ɛnibɔdi we kɔnk na do, Gɔd go opin am fɔ am.

Lyuk 6:36

Una fɔ sɔri fɔ pipul lɛkɛ aw una Papa Gɔd de sɔri fɔ ɔlman.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Lɛta Fɔ Ɛfisɔs 1:6

I mek in wangren Pikin we i lɛk, gi wi dis big blɛsin ya fɔ natin.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Di Ibru Pipul Dɛn 10:39

Wi nɔto dɛn pipul we go tɔn bak ɛn tap fɔ fala Gɔd, so wi nɔ go sev. Bɔt wi biliv Gɔd, so dat i go sev wi ɛn wi go de sote go.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jems 1:2

Mi Kristiɛn pipul dɛn, una fɔ gladi wɛn ɛni waala mit una,

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 3:14

Bɔt if una gɛt fɔ sɔfa sɛf bikɔs una de du wetin rayt, una gɛt blɛsin! Una nɔ fɔ fred wetin pɔsin de du ɛn una nɔ fɔ wɔri fɔ natin.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,