Jems 5:10 - Krio Fɔs Oli Baybul

¹⁰ Mi kɔmpin Kristiɛn dɛn, una mɛmba dɛn prɔfɛt we bin de tɔk Gɔd in mɛsej, dɛn bin sɔfa plɛnti, bɔt dɛn bia; na so unasɛf fɔ bia.

Jems 5:10 Iomraidhean Croise

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Ayzaya 39:8

Naim Ɛzikaya tɛl Ayzaya se, “PAPA GƆD in wɔd we yu dɔn tɔk, gud.” Bikɔs in bin tink se, “Wanwɔd ɛn sikyɔriti go de mi yon tɛm.”

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Jɛrimaya 26:16

Nain di bigman dɛn ɛn ɔl di pipul dɛn tɛl di man dɛm we de mek sakrifays fɔ pipul sin, ɛn di prɔfɛt dɛm, se, “Dis man nɔ dizav fɔ gɛt dɛt sɛntɛns, bikɔs i dɔn tɔk to wi wit PAPA GƆD we na wi Gɔd in nem.”

Lyuk 13:34

“Jerusɛlɛm, Jerusɛlɛm; una dɔn kil dɛn prɔfɛt ɛn una dɔn ston dɛn wan we Gɔd sɛn to una! Ɔmɔs tɛm a dɔn want gɛda una pikin dɛn lɛkɛ aw kombra fɔl de gɛda in pikin dɛn ɔnda in fɛda dɛn, bɔt una nɔ gri mek a du dat!

Lyuk 6:23

Una fɔ gladi wɛn dat bi, una fɔ dans ɛn jomp bikɔs una go gɛt big pe we Gɔd dɔn kip fɔ una na ɛvin! Dɛn pipul we de du una dɛn tin ya, na so dɛn grampapa papa dɛn bin du di prɔfɛt dɛn.

Apɔsul Dɛn Wok 3:21

Jizɔs fɔ de na ɛvin sote Gɔd dɔn du ɔltin lɛkɛ aw in prɔfɛt dɛn bin dɔn tɔk lɔntɛm.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 5:13

If ɛni wan pan una de sɔfa, mek i aks Gɔd fɔ ɛp am. If ɛni wan pan una gladi, mek i siŋ ɛn prez Gɔd.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.