Jems 4:9 - Krio Fɔs Oli Baybul

⁹ Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.

Jems 4:9 Iomraidhean Croise

Nɛimaya 8:9

Di gɔvna, Nɛimaya ɛn Ɛzra, we na di Ju Lɔ ticha ɛn na wan pan di man dɛn we kin mek sakrifays fɔ pipul sin ɛn di Livayt dɛn bin de ɛksplen tɛl di pipul mek dɛn nɔ fil bad. Dɛn bin wan kray we dɛn yɛri wetin di lɔ se. Dɛn tɛl di pipul dɛn se, “Tide na de we Oli to PAPA GƆD, wi GƆD. Una nɔ fɔ fil bad ɛn kray.”

Job 30:31

Na bɛrin myuzik nɔmɔ de ple na mi gita, ɛn mi flut de ple myuzik we tan lɛk we pipul we gɛt bɛrin, de kray.

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Di Sam Dɛm 119:67

Bifo trɔbul mit mi, a bin dɔn kɔt rop, bɔt naw a de obe yu lɔ.

Di Sam Dɛm 119:71

If a nɔ bin de pan trɔbul a nɔ bin fɔ no wetin yu lɔ se.

Prɔvabs 14:13

Man go de laf so bɔt in at nɔ swit, wɛn di laf dɔn, i go bak to in pwɛlat.

Ɛkliziastis 2:2

A tɔk bɔt laf laf sɛf na kres biznɛs ɛn bɔt ɛnjɔymɛnt se us yus i gɛt?

Jɛrimaya 31:13

Na da tɛm de dɛn yɔŋgyal dɛm go gladi de dans, dɔn di yɔŋman dɛm ɛn di olpa dɛn go gladi. A go mek dɛn munin tɔn gladi A go koks dɛm, ɛn gi dɛm sɔro tɔn gladi.

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Lamɛnteshɔn 5:15

Wi nɔ gɛt natin we de mek wi gladi igen; wi dans we wi bin de dans dɔn tɔn bɛrin.

Izikɛl 16:63

so dat una go mɛmba ɛn kɔle, ɛn nɔ ɛva ebul se natin igen, bikɔs una go shem, we a go fɔgiv una fɔ ɔl wetin una bin dɔn du, na so Papa Gɔd we na Gɔd se.”

Izikɛl 7:16

If ɛnibɔdi ɛskep i nɔ bin day, dɛn go de na di mawnten dɛm, lɛk dɔv dɛm we de na di vali dɛm, dɛn ɔl de pini, dɛn ɔl, fɔ in wikɛdnɛs.

Matyu 21:41

Dɛn ansa se, “I go kil dɛn bad pipul de, dɔn i go rɛnt di gadin gi ɔda pipul we go gi am in yon pan wetin dɛn gɛda, wɛn di tɛm rich.”

Matyu 5:4

“Dɛn wan we de kray, gɛt blɛsin, bikɔs Gɔd go mek dɛn gladi!

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Lyuk 6:21

“Una gɛt blɛsin, una we aŋri naw, bikɔs una go gɛt ɔl wetin una fɔ gɛt! “Una gɛt blɛsin, una we de kray naw, bikɔs wande una go laf!

Lyuk 6:25

“Waala go kam pan una we gɛt ɔl wetin una want naw, bikɔs tɛm de kam we una go aŋri! “Waala go kam pan una we de laf naw, bikɔs tɛm de kam we una go kray bita wan!