Jems 4:8 - Krio Fɔs Oli Baybul

⁸ Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Jems 4:8 Iomraidhean Croise

Jɛnɛsis 18:23

Ebraam go nia PAPA GƆD ɛn aks am se, “Fɔ tru, tru, yu go mek di pipul we de du rayt sɔfa wit di wan dɛn we de du bad?

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

Job 16:17

ɔl we a nɔ du natin we go pwɛl mi prea.

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Job 9:30

If a was na ɛni wata, ɔ was mi an wit karozin,

Di Sam Dɛm 119:113

A nɔ lɛk pipul we de pan rikishi bɔt a lɛk yu lɔ dɛn.

Di Sam Dɛm 145:18

PAPA GƆD rɛdi fɔ ɛp ɔl udat kɔl am fɔ ɛp dɛn, mɔ so, dɛn wan we de kɔl am wit ɔl dɛn at.

Di Sam Dɛm 18:20

PAPA GƆD dɔn gi mi di pe we a fɔ gɛt bikɔs mi an klin; a de du wetin i want.

Di Sam Dɛm 24:4

Na udat in an dɛn klin we gɛt klinat, we nɔ gɛt ɔda gɔd na kɔna we i de wɔship ɛn nɔ de mek ipokrit se i de swɛ, we i nɔ min am.

Di Sam Dɛm 26:6

A nɔ de du bad, mi an dɛn klin so a go jɔyn pipul fɔ wɔship yu.

Di Sam Dɛm 51:10

PAPA GƆD gi mi at we klin fɔ du yu wok, nyu at we go de du wetin yu want.

Di Sam Dɛm 73:13

Na fɔ natin a bin de mek gud bɔy; ɛn nɔ miks pan bad.

Di Sam Dɛm 73:28

Bɔt fɔ mi yon say, i fayn fɔ de nia PAPA GƆD. A dɔn de nia PAPA GƆD we na mi PAPA GƆD, fɔ de kɔba mi; A go tɛl ɔlman wetin PAPA GƆD dɔn du.

Ayzaya 13:15

Dɛn go chuk ɛnibɔdi we dɛn fɛn, wan say lɛ i bɔs di ɔda say, ɛn ɛnibɔdi we dɛn kech, dɛn go kil am wit sɔd.

Ayzaya 29:13

Ɛn PAPA GƆD se: “Bikɔs dɛn pipul ya kam nia mi wit dɛn mɔt ɛn ɔna mi wit dɛn lip, we dɛn at nɔ de to mi, ɛn di fred we dɛn de fred mi, na mɔtalman lɔ we dɛn kram;

Ayzaya 58:2

Bɔt dɛn de luk fɔ mi ɛvride, ɛn dɛn kin gladi fɔ no bɔt mi, lɛk se dɛn na neshɔn we de waka tret na mi yay ɛn nɔ bin abandɔn dɛn Gɔd in lɔ dɛm; dɛn de aks mi nɔ fɔ tek nɔbɔdi pat pan jɔjmɛnt, dɛn de gladi fɔ kam nia Gɔd.

Jɛrimaya 4:11

Da tɛm de, dɛn go tɛl dɛm pipul dɛn ya, ɛn Jerusɛlɛm se, “Wan ɔt briz de blo kɔmɔt na di mawnten dɛn na di ɛmti ples we pipul nɔ go ebul tap, kam to mi pipul dɛn gyal pikin, nɔto fɔ kam fana di dɔti wan dɛn kɔmɔt ɔ fɔ kam klin dɛm o,

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Lamɛnteshɔn 3:57

‘Yu bin kam nia mi we a kɔl yu; yu bin se, ‘Nɔ fred!’

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?

Zɛkaraya 1:3

PAPA GƆD se fɔ tɛl di pipul dɛn se, in we na PAPA GƆD Ɔlmayti se dɛn fɔ tɔn bak to am dɔn in we na PAPA GƆD Ɔlmayti go tɔn bak to dɛn.

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Matyu 12:33

“Na gud tik de bia gud tin fɔ it. Tik we nɔ gud nɔ de bia gud tin fɔ it. Una go no di tik bay di kayn tin we i de bia.

Matyu 15:2

“Wetin du yu lanin bɔy dɛn nɔ de du dɛn tin we wi grampapa papa dɛn bin lan wi? Dɛn nɔ de was dɛn an di spɛshal we bifo dɛn it lɛkɛ aw wi grampapa papa dɛn bin lan wi fɔ du.”

Matyu 27:24

Paylet si se i nɔ fɔ aks dɛn igen fɔ fri Jizɔs, bikɔs fɛt go fɔdɔm na di ples; so i tek sɔm wata na besin, i was in an bifo ɔlman, dɔn i se, “If dɛn kil dis man, na una gɛt da lod de! Na una biznɛs.”

Apɔsul Dɛn Wok 15:9

Gɔd sho se wi ɛn dɛn na di sem ɛn bikɔs dɛn biliv, i pul bad kɔmɔt na dɛn at.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 7:19

Di Lɔ dɛn we Gɔd bin gi Mozis nɔ bin gɛt pawa fɔ mek ɔltin rayt bitwin mɔtalman ɛn Gɔd. Gɔd dɔn briŋ pɔsin we pas di Lɔ dɛn we i bin gi Mozis, ɛn na dis pɔsin ya wi abop pan fɔ mek wi kam klos Gɔd.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

1 Samiɛl 14:35

Dɛn Sɔl bil ɔlta fɔ PAPA GƆD; na di fɔs tɛm dis i bin du dat.