Jems 4:6 - Krio Fɔs Oli Baybul

⁶ Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Jems 4:6 Iomraidhean Croise

2 Kronikuls 32:26

Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.

2 Kronikuls 33:12

Ɛn wɛn I de insay trɔbul i beg PAPA GƆD fɔ fevɔ ɛn ɔmbul insɛf Siriɔs wan bifo in papa dɛn Gɔd.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

2 Kronikuls 33:23

Ɛn i nɔ ɔmbul insɛf bifo PAPA GƆD lɛk aw Manasɛ in dadi bin ɔmbul insɛf, bɔt dis Amɔn bin jɔs de pak mɔ ɛn mɔ tin dɛn pan insɛf we mek am gilti.

2 Kronikuls 34:27

fɔseka we yu at sɔri ɛn yu ɔmbul yusɛf bifo PAPA GƆD we yu yɛri di wɔd dɛm fɔ disples ɛn fɔ di wan dɛm we tap de, ɛn yu ɔmbul yusɛf bifo mi, ɛn chɛr yu klos ɛn pul wata kɔmɔt na yu yay, mi sɛf a dɔn yɛri yu, PAPA GƆD se,

Job 22:29

PAPA GƆD kin put prawd pɔsin dɔŋ, bɔt i kin sev di wan dɛn we nɔ prawd.

Di Sam Dɛm 138:6

Pan ɔl we PAPA GƆD big so ɛn i sidɔm ɔp na ɛvin, i bisin bɔt pɔsin we nɔ de kak ɛn udat de kak nɔ ebul ayd pan am.

Di Sam Dɛm 9:12

PAPA GƆD we de fɛt fɔ udat dɛn kil, nɔ de mek blɔd kray fɔ natin i nɔ de mek dɛfyes pan udat de kray fɔ mek i ɛp am, ɛn i nɔ de sɛt yay pan udat de sɔfa.

Ɛksodɔs 18:11

Na naw a dɔn no se PAPA GƆD pawaful pas ɔl dɛn ɔda gɔd dɛn, bikɔs i dɔn pul in pipul dɛn kɔmɔt na di Ijipshian dɛn an wɛn dɛn trit dɛn bad.”

Prɔvabs 15:33

If yu ɔna ɛn rɛspɛkt PAPA GƆD yu go lan fɔ gɛt sɛns, yu gɛt fɔ put yusɛf dɔŋ bifo dɛn go es yu op.

Prɔvabs 18:12

Bifo pɔsin alaki na kak fɔs i kin bigin kak, yu gɛt fɔ put yusɛf dɔŋ bifo dɛn go es yu ɔp.

Prɔvabs 22:4

Di pe we PAPA GƆD de gi udat ɔna am ɛn put insɛf dɔŋ na jɛntri, rɛspɛkt ɛn lɔŋ layf.

Prɔvabs 29:23

Pɔsin we de kak, dɛn go brok in fɛda dɔŋ; bɔt udat put insɛf dɔŋ, dɛn go gi am rɛspɛkt.

Prɔvabs 3:34

As fɔ dɛn wan we de laf dɛn kɔmpin, i de laf dɛn bak; bɔt i de sho fevɔ to dɛn wan we put dɛnsɛf dɔŋ.

Ayzaya 2:17

Dɛn go brok prawd mɔtalman in fɛda dɔŋ, ɛn di kak we pipul dɛn de kak go kan dɔŋ; ɛn na PAPA GƆD nɔmɔ dɛn go es ɔp da de de.

Ayzaya 54:7

A bin fɔsek una fɔ shɔt tɛm, bɔt we a go sɔri fɔ una bad bad wan, a go gɛda una bak.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Matyu 13:12

Di pɔsin we sabi sɔntin, Gɔd go mek i sabi mɔ ɛn mɔ; bɔt di pɔsin we nɔ sabi natin, di lili bit we i sabi sɛf, Gɔd go pul am nain ed.

Matyu 23:12

Ɛnibɔdi we put insɛf ɔp, Gɔd go put am dɔŋ, bɔt ɛnibɔdi we put insɛf dɔŋ, Gɔd go es am ɔp.

Lyuk 1:52

I pul dɛn wan we gɛt pawa kɔmɔt na di ples we dɛn de rul ɛn mek dɛn po pipul rul na dɛn ples.

Lyuk 14:11

Da pɔsin we put insɛf ɔp, Gɔd go put am dɔŋ; ɛn da pɔsin we put insɛf dɔŋ, Gɔd go es am ɔp.”

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

Jems 4:10

Una put unasɛf ɔnda Gɔd, una nɔ mek prawd, Gɔd go lif una ɔp.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

1 Samiɛl 2:3

Nɔ mek plɛnti nɔys se yu de blɔf nɔ de kak bikɔs PAPA GƆD na PAPA GƆD we no ɔltin, ɛn nain de pe ɔlman fɔ wetin i du.