Jems 4:16 - Krio Fɔs Oli Baybul

¹⁶ Bɔt una de mek prawd ɛn bost bɔt unasɛf. Fɔ bost na sin.

Jems 4:16 Iomraidhean Croise

Di Sam Dɛm 52:1

Yu we tink se yu na ɔltin, wetindu yu de blɔf pan yu wikɛdnɛs? Wetin du yu de mek mɔt ol de we yu no se di bad we yu de du nɔ nia di lɔv we PAPA GƆD gɛt fɔ wi we de de sote go?

Di Sam Dɛm 52:7

“Luk di man we nɔ abop pan PAPA GƆD fɔ kɔba am, di man we abop pan in jɛntri ɛn we de yuz in pawa fɔ pwɛl pipul.”

Prɔvabs 25:14

Lɛkɛ aw klawd kin de gɛda ɛn briz blo fɔ lɛ ren kam bɔt i nɔ kam, na so man we gɛt big tɔk tan.

Prɔvabs 27:1

Nɔ bost bɔt tumara bikɔs yu nɔ no wetin go gɛt fɔ apin.

Ayzaya 47:10

Yu bin fil se yu sef pan yu wikɛdnɛs, Yu bin se, “Nɔbɔdi nɔ de si mi”; Yu sɛns ɛn yu sabi bin dɔn mek yu go astre, ɛn yu bin tɔk na yu at se, “Nɔbɔdi nɔ de we bɛtɛ pas mi.”

1 Kɔrint 5:6

Di prawd we una prawd nɔ rayt! Una no se dɛn kin se, “Na lili bit yist nɔmɔ de mek ɔl di bred rayz.”

Jems 3:14

If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Jɔn In Fɔs Lɛta 2:16

Ɔltin we de na di wɔl di bad we de na pɔsin in at we de mek i put at pan sɔm tin dɛn, dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd dɛn nɔn nɔ kɔmɔt to di Papa, na di wɔl dɛn kɔmɔt.

Rɛvɛleshɔn 18:7

Mek i pɔnish gud fashin ɛn mek in at ebi lɛkɛ aw i bin mek insɛf impɔtant ɛn i bin de ɛnjɔy layf. I de tɔk to insɛf se, ‘Mi na kwin, mi nɔto uman we in man dɔn day; kray nɔ go de na mi yay.’