Jems 3:6 - Krio Fɔs Oli Baybul

⁶ Wi mɔt tan lɛkɛ faya. Soso bad ful insay wi mɔt ɛn we wi mɔt na wan pat pan wi bɔdi, i de mek ɔl wi bɔdi bad. Wi mɔt de pwɛl wi frɔm di tɛm we wi bɔn sote wi day. Dɛn bad tin we de kɔmɔt na wi mɔt kɔmɔt to Setan na ɛl.

Jems 3:6 Iomraidhean Croise

2 Samiɛl 16:20

Afta dat, Absalɔm tɔn to Aitofɛl ɛn aks am fɔ advays.

2 Samiɛl 19:43

Di man dɛn we kɔmɔt Izrɛl ansa se bay rayt dɛn gɛt tɛn fambul na Izrɛl so na dɛn fɔ tɔk mɔ bɔt Devid as dɛn brɔda. Dɛn bigin mek plaba ɛn tɛl dɛn se dɛn nɔ fɔ de luk dɛn lo afta ɔl na dɛn fɔs tɔk se fɔ go briŋ Devid kam bak. So di man dɛn na Juda dɛnsɛf ala fɔ ansa dɛn.

2 Kronikuls 13:17

Abija ɛn in pipul dɛn kil dɛn bɔku bɔku wan; ɛn na fayv ɔndrɛd tawzin masta sabi fɛtman dɛm day.

Di Sam Dɛm 140:3

Dɛn siti dɛn shap lɛkɛ snek yon; di wɔd we de kɔmɔt na dɛn mɔt fiba di pɔyzin we de kɔmɔt na snek mɔt.

Di Sam Dɛm 64:3

Di wɔd na dɛn mɔt shap pas nɛf, dɛn wɔd dɛn tan lɛk pɔyzin we kin kil pɔsin

Prɔvabs 15:1

We pɔsin vɛks, if yu tɔk fayn to am, i nɔ go vɛks igen; bɔt if yu gi am bakansa, yu go mek i vɛks mɔ.

Prɔvabs 16:27

Bad pɔsin de plan bad fɔ in kɔmpin, di wɔd sɛf we de kɔmɔt nain mɔt na lɛk faya.

Prɔvabs 7:5

fɔ mek yu nɔ si pipul wɛf, ɛn dɛn uman wit swit mɔt.

Ayzaya 30:27

PAPA GƆD in nem kɔmɔt fawe wit ebi ebi vɛksteshɔn insay tik smok we de go ɔp; in lip dɛn ful wit vɛksteshɔn ɛn in tɔŋ tan lɛk faya we de bɔn ɔltin;

Ayzaya 50:11

Bɔt una ɔl na pipul dɛn we de mek faya, pipul dɛn we de layt wud. Una waka wit una faya in flem, ɛn wit di wud dɛn we una dɔn layt faya pan! Na dis una go gɛt na mi an: una go lidɔm insay tɔmɛnt.

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Jɛrimaya 28:16

Fɔseka dat, na dis PAPA GƆD se: ‘a go pul yu kɔmɔt na dis wɔl. Dis vɛri ia, yu go day, bikɔs yu dɔn tɔn agens PAPA GƆD bay wetin yu se.’”

Lɛvitikɔs 24:11

we mek di wan we nɔto piɔ Izrɛlayt tɔk bad bɔt da Nem ɛn yuz am fɔ swɛ. Sɔm pipul we yɛri am kɛr am go to Mozis. In mama bin nem Shelomit we na bin Dibri in gyal pikin ɛn i kɔmɔt na Dan fambul.

Di Nɔmba Dɛm 25:2

we kin de kɔl dɛn fɔ go na di sakrifays we dɛn bin de mek to dɛn yon gɔd dɛn. Di Izrɛlayt dɛn kin it ɛn ivin pre to dɛn gɔd dɛn de.

Di Nɔmba Dɛm 31:16

I se na di uman dɛn du wetin Belam se ɛn na dɛn bin mek di Izrɛlayt dɛn pul at pan PAPA GƆD na Peɔ we mek bad bad sik we kil dɛn fɔdɔm pan PAPA GƆD in pipul dɛn.

Matyu 12:24

Wɛn di Faresi dɛn yɛri bɔt wetin Jizɔs du, dɛn se, “Na Biɛlzibɔb we na di dɛbul dɛn edman de gi am pawa fɔ drɛb dɛbul.”

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Mak 7:15

Una fɔ no se, nɔto wetin pɔsin de it de mek i sin, bɔt na wetin i de du ɛn wetin i de tɔk de mek i sin ɛn mek i nɔ klin na Gɔd yay. [

Lyuk 16:24

Di jɛntri man ala se, ‘Papa Ebraam, sɔri fɔ mi! Sɛn Lazarɔs fɔ put in fiŋa na wata ɛn kam tɔch mi tɔŋ so dat i go kol, bikɔs a de sɔfa bad insay dis faya ya!’

Apɔsul Dɛn Wok 20:30

Tɛm de kam we sɔm pan unasɛf go de tɔk bad fɔ mek di Kristiɛn dɛn kɔmɔt na di chɔch ɛn fala una.

Apɔsul Dɛn Wok 5:3

Pita aks Ananayas se, “Ananayas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn!

Apɔsul Dɛn Wok 6:13

Dɛn fɛn pipul fɔ lay pan am; di pipul dɛn se, “Dis man kin tɔk bad bɔt Gɔd in Os ɛn di Lɔ we Gɔd gi Mozis.

Ditarɔnɔmi 13:6

I se if dɛn brɔda, ɔ dɛn wan dadi brɔda, ɔ wan mami brɔda, ɔ dɛn bɔypikin ɔ gyal pikin, ɔ ivin dɛn wɛf we dɛn lɛk bad bad wan, ɔ dɛn bɛst padi, tray fɔ koks dɛn sikrit wan fɔ wɔship ɔda gɔd we dɛn ɛn dɛn fɔstɛmpapa dɛn nɔ bin no,

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Jems 2:7

Na dɛn jɛntri pipul nɔ gɛt rɛspɛkt fɔ Jizɔs Krays in nem. Ɛn na di nem dat we Gɔd dɔn tek fɔ mek una bi in yon pipul.

Jems 3:7

Mɔtalman ebul kɔntrol ɔl kayn bif na bush, ɔl kayn bɔd, ɔl kayn snek ɛn ɔl kayn fish,

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Jɔn In Tɔd Lɛta 1:10

Wɛn a kam a go tɔk wetin i du: di bad tin dɛn we i dɔn tɔk bɔt wi ɛn dɛn lay we i dɔn lay. Bɔt dat nɔ du fɔ am; i nɔ gri fɔ mek di Kristiɛn dɛn tap to dɛn, wɛn dɛn kam, ɛn i tap dɛn wan we de gladi fɔ dɛn, i de tray sɛf fɔ drɛb dɛn Kristiɛn de kɔmɔt na di chɔch.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.