Jems 3:16 - Krio Fɔs Oli Baybul

¹⁶ Ɛni say we pipul de jɛlɔs dɛn kɔmpin ɛn dɛn want ɔltin fɔ dɛnsɛf, una nɔ go fɛn wanwɔd de; na soso bad lib de.

Jems 3:16 Iomraidhean Croise

Jɛnɛsis 11:9

Na dat mek di siti nem Bebɛl, bikɔs na de PAPA GƆD miksɔp dɛn laŋwej, ɛn na de i skata dɛn go ɔlsay na di wɔl.

Jɛnɛsis 38:9

Bɔt Onan bin no se di bɔypikin nɔ go bi in yon, so ɛnitɛm i lidɔm wit in brɔda in wɛf, i kin trik am ɛn grap kwik so i nɔ go gɛt bɛlɛ, bikɔs i nɔ want gɛt pikin fɔ in brɔda.

Mak 3:25

ɛn if pipul dɛn na di sem os de fɛt dɛnsɛf, dɛn go skata.

Apɔsul Dɛn Wok 19:29

Di fɛt prɛd ɔlsay na di tɔŋ. Di pipul dɛn we bin de fɛt ol Geyɔs ɛn Aristakɔs. Dɛn tu man ya na bin Masidonia pipul we bin de waka wit Pɔl. Dɛn kɛr dɛn tu go na di ples we di pipul dɛn na di tɔŋ kin de gɛda.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

1 Kɔrint 14:33

bikɔs Gɔd nɔ want mek wi we i kɔl fɔ du in wok, kɔnfyus pan ɛnitin we wi de du. I want mek ɔltin waka fayn. Lɛkɛ aw i de bi na ɔl dɛn chɔch,

1 Kɔrint 3:3

bikɔs una de du lɛkɛ se una nɔ gɛt Gɔd in Spirit yet. Na dat mek una nɔ lɛk fɔ si bɛtɛ fala una kɔmpin, una de mek plaba wit una kɔmpin, ɛn una nɔ gɛt wanwɔd! Una de du lɛkɛ dɛn pipul we nɔ gɛt Gɔd in Spirit!

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Lɛta Fɔ Galeshya 5:20

mɔtalman lɛk fɔ pre to dɛn tin we pipul de mek fɔ pre to, ɛn dɛn lɛk fɔ swɛ dɛn kɔmpin. Mɔtalman nɔ lɛk dɛn kɔmpin, ɛn dɛn de fɛt dɛn kɔmpin; dɛn de jɛlɔs dɛn kɔmpin, dɛn de vɛks pan dɛn kɔmpin, ɛn dɛn de put dɛnsɛf bifo dɛn kɔmpin mɔtalman. Dɛn lɛk fɔ de bay grup ɛn dɛn nɔ de si wit dɛn kɔmpin;

Jems 3:14

If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Jɔn In Fɔs Lɛta 3:12

Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay.