Jems 3:1 - Krio Fɔs Oli Baybul

¹ Mi kɔmpin Kristiɛn dɛn, una we fɔ bi ticha nɔ fɔ plɛnti. Una mɛmba se Gɔd go jɔj wi we de tɛl ɔda pipul wetin dɛn fɔ du traŋa wan pas aw i go jɔj dɛn ɔda pipul.

Jems 3:1 Iomraidhean Croise

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Malakay 2:12

Dɛn se mek PAPA GƆD lɛ di wan dɛn we de biev so kɔmɔt na di Izrɛlayt dɛn kɔmyuniti ɔ mek i nɔ ansa dɛn prea ɛnitɛm we dɛn wan gi am sɔntin.

Matyu 10:24

“Pɔsin we de lan nɔ pas di wan we de lan am, ɛn slev nɔ pas in masta.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Matyu 23:14

I go bad fɔ una dɛn Faresi ɛn dɛn Ju Lɔ ticha; una na ipokrit! Una de tek dɛn uman we dɛn man dɔn day, dɛn prɔpati; dɔn una de pre lɔŋ pre fɔ mek pipul biliv se una na gud pipul; na dat mek Gɔd go pɔnish una pas aw i bin fɔ pɔnish una.]

Matyu 9:11

Wɛn sɔm pan di Faresi dɛn si dat, dɛn aks Jizɔs in lanin bɔy dɛn se, “Wetin mek una ticha de it wit dɛn kayn pipul ya?”

Lyuk 16:2

Di man sɛn kɔl di klak ɛn i aks am se, ‘Wetin a de yɛri bɔt yu so? Gi mi di buk we yu de rayt ɔl wetin yu dɔn yus ɛn wetin lɛf na yu an, bikɔs yu nɔ go du dis wok ya igen.’

Lyuk 6:37

“Una nɔ jɔj ɔda pipul ɛn Gɔd insɛf nɔ go jɔj una. Una nɔ kɔndɛm ɔda pipul ɛn Gɔd insɛf nɔ go kɔndɛm una. Una padin ɔda pipul ɛn Gɔd insɛf go padin una.

Jɔn 3:10

Jizɔs aks am se, “Yu we na big ticha na Izrɛl, yu nɔ ɔndastand wetin a tɔk?

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Fɔs Lɛta To Timoti 1:7

Dɛn want fɔ lan pipul bɔt di Lɔ, bɔt dɛnsɛf nɔ ɔndastand di Lɔ ɛn di tin dɛn we dɛnsɛf de tɔk bɔt, pan ɔl we dɛn de tɔk lɛkɛ se dɛn shɔ se dɛn tin de na tru.

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Sɛkɛn Lɛta To Timoti 1:11

Gɔd dɔn pik mi fɔ sɛn mi go lɛkɛ apɔsul fɔ tɛl pipul di Gud Nyuz ɛn fɔ lan dɛn bɔt am,

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Jems 1:16

Mi Kristiɛn pipul dɛn, mek nɔbɔdi nɔ mek una ful.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Jems 3:10

Na dis sem mɔt ya wi de tek fɔ tɛl Gɔd tɛnki ɛn fɔ kɔs. Mi kɔmpin Kristiɛn dɛn, i nɔ fɔ bi so.

Pita In Fɔs Lɛta 5:3

Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.