Jems 2:9 - Krio Fɔs Oli Baybul

⁹ Bɔt if una trit wan pɔsin fayn pas in kɔmpin mɔtalman bay aw di pɔsin luk, una dɔn sin, ɛn di lɔ go kɔndɛm una, se una dɔn du bad.

Jems 2:9 Iomraidhean Croise

Lɛvitikɔs 19:15

I se we pɔsin dɛn de jɔj kes na kot, nɔ fɔ luk fes; dat na nɔ fɔ gi pɔsin rayt bikɔs i po ɔ jɛntri bɔt fɔ trit dɛn kɔmpin fia wan.

Jɔn 16:8

Ɛn wɛn i kam i go mek mɔtalman no se dɛn nɔ sabi wetin sin min; i go mek dɛn no se dɛn tin we dɛn tink se rayt, nɔ rayt; ɛn i go mek dɛn no se Gɔd go jɔj ɔlman.

Jɔn 8:46

Uswan pan una kin pruv se a dɔn sin? If a de tɔk tru, wetindu una nɔ biliv mi?

Jɔn 8:9

Wɛn dɛn yɛri wetin Jizɔs tɔk, dɛn ɔl kɔmɔt de wan bay wan; na di big wan dɛn fɔs kɔmɔt de, bifo di smɔl wan dɛn. Na Jizɔs nɔmɔ bin lɛf ɛn di uman bin stil tinap de.

Apɔsul Dɛn Wok 10:34

Pita se, “Fɔ tru, Gɔd nɔ de luk ɛnibɔdi bɛtɛ pas in kɔmpin.

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

1 Kɔrint 14:24

Bɔt if ɔlman de tɔk di mɛsej we Gɔd gi am fɔ tɔk, wɛn dɛn pipul we nɔ no bɔt dɛn kayn tin ya ɔ dɛn wan we nɔ biliv Gɔd kam insay di chɔch, wɛn dɛn yɛri wetin una de tɔk, dɛn go biliv fɔ tru se dɛn de pan sin. Ɔl wetin dɛn yɛri go mek dɛn jɔj dɛnsɛf.

Lɛta Fɔ Galeshya 2:19

Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs.

Ditarɔnɔmi 1:17

I se dɛn nɔ fɔ sayd nɔbɔdi we dɛn de jɔj kes. Dɛn fɔ lisin ɔlman, po man o, di wan we jɛntri o, dɛn fɔ lisin dɛn ɔl. Dɛn nɔ fɔ luk nɔbɔdi fes, bikɔs na PAPA GƆD dɛn de jɔj fɔ. I tɛl dɛn se, dɛn fɔ kɛr ɛni kes we traŋa fɔ dɛn go to am; in go andul am.

Jɔn In Fɔs Lɛta 3:4

Ɛni bɔdi we nɔ gri tap fɔ sin nɔ de du wetin Gɔd in lɔ se i fɔ du, bikɔs fɔ sin na fɔ brok Gɔd in lɔ.

Jud In Lɛta 1:15

fɔ jɔj ɔlman, ɛn kɔndɛm ɔl dɛn pipul we nɔ gri du wetin Gɔd want, fɔ ɔl di bad bad tin dɛn we dɛn de du we Gɔd nɔ lɛk, ɛn fɔ ɔl dɛn bad bad tin we dɛn dɔn tɔk bɔt Gɔd!”