Jems 2:6 - Krio Fɔs Oli Baybul

⁶ Wetin mek una nɔ tek dɛn po pipul mek ɛnitin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj.

Jems 2:6 Iomraidhean Croise

Job 20:19

Bikɔs i dɔn nyakanyaka po man ɛn fɔgɛt bɔt am, i dɔn siz os we nɔto in bil.

Di Sam Dɛm 10:10

Da tɛm de i kin sho dɛn udat i bi, dɛn po pipul ya kin so wik dat i izi fɔ buli dɛn.

Di Sam Dɛm 10:14

Bɔt yu, PAPA GƆD, de si ɛn no ɔltin; yu de si di sɔfa we pipul de sɔfa ɛn yu rɛdi fɔ fɛt dɛn kes. Na yu nɔmɔ dɛn de luk ɔp to. Yu na lɛk papa to udat nɔ gɛt nɔbɔdi.

Di Sam Dɛm 10:2

Di bad man we tink se in pas ɔlman de buli udat wik; lɛ di trap we i sɛt, kech am.

Di Sam Dɛm 10:8

I de le ambush fɔ dɛn po, inosɛnt wan we pɔsin nɔ de fɔ ɛp dɛn ɔltɛm; na so i kin de wach fɔ udat go fɔdɔm nain trap.

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Di Sam Dɛm 14:6

Bad pipul kin du ɔlkayn tin fɔ ambɔg di poman bɔt PAPA GƆD rɛdi fɔ kɔba dɛn.

Prɔvabs 14:31

Udat ambɔgin poman nɔ bisin bɔt PAPA GƆD, bɔt udat ɛp poman sho se in de fred PAPA GƆD.

Prɔvabs 17:5

Udat provok poman nɔ rɛspɛkt PAPA GƆD we mek am ɛn yu gladi wɛn trɔbul mit in kɔmpin nɔ de go skɔchfri.

Prɔvabs 18:23

Wɛn poman de beg, i gɛt fɔ dɔbalɛ; bɔt wɛn di jɛntri man de ansa am, na rɔf wan i de tɔk to am.

Prɔvabs 22:16

Udat sɔprɛs poman fɔ lɛ in jɛntri, ɔ de gi jɛntri man we de mek i gɛt mɔ, go ɛnd ɔp fɔ bi poman.

Prɔvabs 22:7

Na jɛntri man de kɔntrol poman, ɛn semweso yu we o dɛt de tɔn slev to udat yu trɔs to.

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Emɔs 5:11

Una de tek aramu na poman an ɛn fos dɛn fɔ gi una rɔ wit; fɔ da aramu we una dɔn tek fɔ bil ston os, so una nɔ go slip insay di os. Da vayn gadin sɛf we una dɔn mek, una nɔ go tes di wayn.

Abakɔk 3:14

Yu yuz yu bo ɛn aro fɔ skata di sojaman dɛn edman di tɛm we dɛn bɔs lɛk briz pan mi; de gladi se dɛn go ebul du wetin dɛn want we pɔsin nɔ go si.

Zɛkaraya 7:10

Dɛn nɔ fɔ buli dɛn uman we dɛn man dɔn day, dɛn pikin we nɔ gɛt papa, dɛn fɔrina ɛn di poman dɛn; nɔbɔdi nɔ fɔ mɛmba bad fɔ in kɔmpin.

Jɔn 8:49

Jizɔs ansa se, “A nɔ gɛt dɛbul; a rɛspɛkt mi Papa, bɔt una nɔ rɛspɛkt mi.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 17:6

Bɔt we dɛn nɔ fɛn dɛn, dɛn drɛg Jesɔn ɛn sɔm Kristiɛn dɛn go bifo di bigman dɛn na di tɔŋ. Di Ju pipul dɛn ɛn di trit pipul dɛn bin de ala se, “Dɛn man ya de ambɔg ɔlsay! Dɛn dɔn kam naw na wi tɔŋ,

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

1 Kɔrint 11:22

If una want it ɛn drink te una satisfay, una nɔ gɛt una yon os fɔ du dat? Ɔ una want mek shem kam pan Gɔd in chɔch ɛn mek dɛn pipul we po, shem? Wetin una fil se a go tɔk bɔt dɛn kayn tin ya? Mek a tɛl una se una du wɛl? Unasɛf no se a nɔ go du dat.

Jems 2:3

una nɔ fɔ tɛl di pɔsin we drɛs fayn se, “Duya, kam sidɔm bifo ya!” Dɛn una tɛl di poman se, “Go, tinap yanda!” Ɔ “Go, sidɔm na grɔn!”

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Jems 5:6

Una dɔn kɔndɛm dɛn pipul we nɔ du una natin; dɛn nɔ se fiŋ, ɛn una dɔn kil dɛn.