Jems 2:5 - Krio Fɔs Oli Baybul

⁵ Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Jems 2:5 Iomraidhean Croise

1 Kiŋ 22:28

Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.

Job 34:10

“So una lisin mi, una we na man dɛn we sabi buk, rɔb yu mɔt na grɔn bifo yu se PAPA GƆD go du bad, ɛn rɔb yu mɔt na grɔn bifo yu se di Ɔlmayti go du rɔŋ tin.

Job 34:19

pɔsin we nɔ de tek jɛntriman pat, ɛn de si jɛntriman ɛn poman di sem we, bikɔs nain mek dɛn ɔl?

Job 38:14

We mɔnin kam, ɔlman de si di il ɛn di vali dɛn, yu go si di land klia wan lɛk klos we fol fol lɛk rozis.

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Prɔvabs 13:7

Sɔm man de mek gɛt-gɛt, bɔt in nɔ gɛt dondo, na de sɔm we de mek nɔ gɛt, gɛt os ɛn lɔt.

Prɔvabs 7:24

Una dɛn bɔypikin, una lisin to mi, una yɛri wɔd.

Prɔvabs 8:32

“Naw, una dɛn yɔŋ pipul, una lisin to mi, i go fayn fɔ udat du wetin a se.

Ayzaya 14:32

Us ansa pɔsin go gi di neshɔn in mɛsenja? “PAPA GƆD dɔn bil Zayɔn, ɛn nainsay am in pipul dɛn we dɔn sɔf, go ayd dɛnsɛf.

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Zɛfinaya 3:12

I se di pipul dɛn we go de da tɛm de go bi pipul we nɔ go de kak. Dɛn go de go to in di, PAPA GƆD fɔ ɛp dɛn.

Zɛkaraya 11:11

So frɔm da de de, di agrimɛnt we bin de bitwin in ɛn di wan dɛn we kin bay ɛn sɛl ship, dɔn. Dɛn ɔl we bin de wach am no se na wetin PAPA GƆD se fɔ du, i du.

Zɛkaraya 11:7

Na so Zɛkaraya tek bi wachman fɔ ship dɛn we dɛn dɔn rɛdi fɔ go kil. So i tek tu wɔkinstik we i gi di wan nem Gres, dɔn di ɔda wan i kɔl Wanwɔd. Na so i luk di ship dɛn.

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Mak 7:14

Jizɔs kɔl di pipul dɛn bak ɛn se, “A want mek una ɔl lisin mi gud, so dat una go lan.

Lyuk 12:21

Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.”

Lyuk 12:32

“Una we de fala mi nɔ plɛnti, bɔt una nɔ fred; Gɔd we na una Papa go mek una rul lɛkɛ aw insɛf de rul.

Lyuk 16:22

“Tɛm kam we di po man day ɛn enjɛl kam kɛr am go put am klos Ebraam na ɛvin. Di jɛntri man insɛf day, dɛn bɛr am.

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Lyuk 22:29

Lɛkɛ aw mi Papa dɔn gi mi pawa fɔ rul, na so misɛf gi una pawa fɔ rul.

Lyuk 6:20

Jizɔs luk in lanin bɔy dɛn, dɛn i bigin tɔk to dɛn. I se: “Una gɛt blɛsin, una dɛn po pipul, bikɔs Gɔd de rul una!

Jɔn 7:48

Una no ɛni Ju bigman ɔ ɛni Faresi we biliv pan am?

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

1 Kɔrint 2:9

Bɔt, wi fɔ mɛmba se, dɛn rayt na Gɔd in Buk se, “Yay nɔ si yet, yes nɔ yɛri yet, mɔtalman nɔ no yet wetin Gɔd dɔn rɛdi fɔ dɛn wan we lɛk am.”

2 Kɔrint 4:15

Ɔl dis na fɔseka una; ɛn as Gɔd de sho mɔ ɛn mɔ pipul aw i gud, dɛn go de tɛl Gɔd tɛnki mɔ ɛn mɔ ɛn sho aw i wɔndaful.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Sɛkɛn Lɛta Fɔ Tɛsalonayka 1:5

Ɔl wetin una de sɔfa sho se Gɔd go jɔj ɔlman lɛkɛ aw i fɔ jɔj dɛn, ɛn bikɔs una de sɔfa, Gɔd go mek una fit fɔ mek i rul una.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Sɛkɛn Lɛta To Timoti 4:18

If ɛni bad tin mit mi di Masta go pul mi kɔmɔt pan am, i nɔ go mek natin du mi ɛn i go kɛr mi go na ɛvin we i de rul lɛkɛ Kiŋ. Mek wi prez am ɛn ɔna am sote go! Emɛn.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jems 1:16

Mi Kristiɛn pipul dɛn, mek nɔbɔdi nɔ mek una ful.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Jems 1:9

Mek di Kristiɛn we po gladi bikɔs Gɔd dɔn tek am lɛkɛ sɔmbɔdi.

Pita In Fɔs Lɛta 1:4

ɛn so, wi abop fɔ gɛt di wɔndaful blɛsin dɛn we Gɔd bin dɔn prɔmis in pipul dɛn ɛn we i kip na ɛvin fɔ una. Dɛn blɛsin ya nɔ de pwɛl, dɛn nɔ de chenj ɛn dɛn go de sote go.

Pita In Sɛkɛn Lɛta 1:11

Ɛn na di we dis we una fɔ pas fɔ mek una go go tret na di say we wi Masta Jizɔs, we dɔn sev wi, de rul sote go.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Di Jɔj Dɛm 9:7

We Jotham yɛri bɔt dat, i go tinap pantap Mawnt Gɛrizim ɛn ala tɛl dɛn se, if dɛn wan lɛ PAPA GƆD yɛri dɛn, lɛ dɛn lisin to am.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

1 Samiɛl 2:8

I kin pul poman kɔmɔt pan po ɛn pul am pan po layf; I mek i sidɔm wit ayɔps ɛn gɛt wetin dɛnsɛf de ɛnjɔy. Na PAPA GƆD mek di wɔl; i fiks ɔltin aw dɛn fɔ de.