Jems 2:3 - Krio Fɔs Oli Baybul

³ una nɔ fɔ tɛl di pɔsin we drɛs fayn se, “Duya, kam sidɔm bifo ya!” Dɛn una tɛl di poman se, “Go, tinap yanda!” Ɔ “Go, sidɔm na grɔn!”

Jems 2:3 Iomraidhean Croise

Prɔvabs 18:23

Wɛn poman de beg, i gɛt fɔ dɔbalɛ; bɔt wɛn di jɛntri man de ansa am, na rɔf wan i de tɔk to am.

Ayzaya 65:5

Pipul dɛn we de se, “Kip to yusɛf, nɔ kam nia mi, bikɔs a tu oli fɔ yu.” Dɛn tin ya na smok na mi nos ol, ɛn faya we de bɔn ol de.

Lyuk 23:11

Ɛrɔd ɛn in soja man dɛn bigin du Jizɔs tin we go mek i fil smɔl ɛn dɛn bigin tek am tɔn an. Dɔn Ɛrɔd mek dɛn wɛr fayn klos pan Jizɔs, ɛn mek dɛn kɛr am go bak to Paylet.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Jems 2:2

If tu pɔsin kam na una mitin, wan wɛr gold riŋ ɛn i jɛntri, i wɛr fayn klos; di ɔda wan po, i wɛr chɛr chɛr klos,

Jems 2:6

Wetin mek una nɔ tek dɛn po pipul mek ɛnitin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.