Jems 2:13 - Krio Fɔs Oli Baybul

¹³ If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Jems 2:13 Iomraidhean Croise

Jɛnɛsis 42:21

Dɛn tɛl dɛnsɛf se, dɛn de sɔfa fɔ wetin dɛn bin du to dɛn brɔda. Dɛn se, dɛn bin si aw i bin sɔri we i de beg dɛn, bɔt dɛn nɔ yɛri. Na dat mek dɛn de pan trɔbul so naw.

2 Kronikuls 28:11

Naw, una lisin wetin a de se ɛn sɛn una fambul dɛm we una dɔn kapchɔ go bak, bikɔs PAPA GƆD in at dɔn wam pan una bad bad wan.”

Di Sam Dɛm 18:25

Yu nɔ de lɛf udat de fala yu ɔltɛm ɛn udat de du wetin yu want.

Di Sam Dɛm 85:10

PAPA GƆD in lɔv ɛn in fethfulnɛs na lɛk tatu ɛn yawa; di want we di pipul want fɔ pliz PAPA GƆD, ɛn in yon pis we i de gi dɛn, go de lɛk aw tu pipul de kis.

Prɔvabs 21:13

Udat sɛt yes pan poman wɛn i want am fɔ ɛp am, dɛn go sɛt yes pan insɛf wɛn in yon tɔn rich.

Prɔvabs 22:16

Udat sɔprɛs poman fɔ lɛ in jɛntri, ɔ de gi jɛntri man we de mek i gɛt mɔ, go ɛnd ɔp fɔ bi poman.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Matyu 5:7

“Dɛn wan we de sɔri fɔ ɔda pipul, gɛt blɛsin, bikɔs Gɔd insɛf go sɔri fɔ dɛn di de we i go jɔj mɔtalman!

Matyu 6:15

Bɔt if una nɔ padin ɔda pipul, una Papa we de na ɛvin insɛf nɔ go padin una fɔ di bad we una dɔn du.

Lyuk 16:25

“Bɔt Ebraam tɛl am se, ‘Mi pikin, mɛmba se yu bin jɛntri ɛn yu ɛnjɔy yusɛf di tɛm we yu bin de na wɔl ɛn da tɛm de Lazarɔs bin po ɛn i bin de sɔfa. Bɔt naw Gɔd de blɛs Lazarɔs bɔt yu de sɔfa.

Lyuk 6:37

“Una nɔ jɔj ɔda pipul ɛn Gɔd insɛf nɔ go jɔj una. Una nɔ kɔndɛm ɔda pipul ɛn Gɔd insɛf nɔ go kɔndɛm una. Una padin ɔda pipul ɛn Gɔd insɛf go padin una.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Di Jɔj Dɛm 1:7

Nain Adɔnaybɛzɛk tɔk se na sɛvinti kiŋ we dɛn big fiŋa ɛn big to dɛn kɔt kɔmɔt, de pik pik di tin dɛn we de fɔdɔm ɔnda di tebul we i bin de it; wetin i bin du dɛn, nain PAPA GƆD dɔn tɔn gi an bak so. Dɛn kɛr an go Jerusɛlɛm usay i go day.

Di Jɔj Dɛm 5:27

I wik ɛn fɔdɔm ɛn lidɔm day wan na grɔn. Na bifo am so i wik ɛn fɔdɔm; usay i lidɔm, na de i day.