Jems 2:1 - Krio Fɔs Oli Baybul

¹ Mi pipul dɛn we biliv pan wi Masta Jizɔs Krays we de rul wit pawa, una nɔ fɔ trit wan pɔsin fayn pas in kɔmpin bay aw una si di pɔsin.

Jems 2:1 Iomraidhean Croise

2 Kronikuls 19:7

So duya, una fred PAPA GƆD; una kiaful wetin una de du bikɔs PAPA GƆD we Gɔd nɔ de bɛn bɛn di tru. I nɔ de sayd nɔbɔdi ɛn i nɔ de tek brayb.

Prɔvabs 24:23

Dɛn wan yaso sɛf na ɔda gud advays: I nɔ fayn we yu de jɔj kes yu tek wan pɔsin in pat.

Prɔvabs 28:21

I nɔ fayn fɔ fevɔ wan pɔsin we yu de jɔj kes, sɔm jɔj kin sɛl in bathrayt fɔ kokoɛbɛ.

Lɛvitikɔs 19:15

I se we pɔsin dɛn de jɔj kes na kot, nɔ fɔ luk fes; dat na nɔ fɔ gi pɔsin rayt bikɔs i po ɔ jɛntri bɔt fɔ trit dɛn kɔmpin fia wan.

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Apɔsul Dɛn Wok 10:34

Pita se, “Fɔ tru, Gɔd nɔ de luk ɛnibɔdi bɛtɛ pas in kɔmpin.

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 24:24

Tu-tri de pas, nain Filiks ɛn in Ju wɛf we bin nem Drusila sɛn kɔl Pɔl. Dɛn lisin we Pɔl de tɔk bɔt wetin fɔ biliv pan Krays Jizɔs min.

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

Lɛta Fɔ Rom 1:11

A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.

1 Kɔrint 2:8

Nɔn dɛn pipul we gɛt pawa na dis wɔl nɔ bin kechɔp se dis sɛns ya de, if dɛn bin kechɔp dɛn nɔ bin fɔ nel di Masta, we gɛt pawa ɛn ɔna, pan di krɔs.

Ditarɔnɔmi 1:17

I se dɛn nɔ fɔ sayd nɔbɔdi we dɛn de jɔj kes. Dɛn fɔ lisin ɔlman, po man o, di wan we jɛntri o, dɛn fɔ lisin dɛn ɔl. Dɛn nɔ fɔ luk nɔbɔdi fes, bikɔs na PAPA GƆD dɛn de jɔj fɔ. I tɛl dɛn se, dɛn fɔ kɛr ɛni kes we traŋa fɔ dɛn go to am; in go andul am.

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Fɔs Lɛta To Timoti 1:19

Yu fɔ biliv fɔ tru ɛn du wetin yu no se rayt. Sɔm pipul we nɔ bin gri fɔ du wetin dɛn fɔ du, nɔ biliv Krays igen:

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Jems 1:16

Mi Kristiɛn pipul dɛn, mek nɔbɔdi nɔ mek una ful.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Jems 2:3

una nɔ fɔ tɛl di pɔsin we drɛs fayn se, “Duya, kam sidɔm bifo ya!” Dɛn una tɛl di poman se, “Go, tinap yanda!” Ɔ “Go, sidɔm na grɔn!”

Jems 2:9

Bɔt if una trit wan pɔsin fayn pas in kɔmpin mɔtalman bay aw di pɔsin luk, una dɔn sin, ɛn di lɔ go kɔndɛm una, se una dɔn du bad.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.