Jems 1:9 - Krio Fɔs Oli Baybul

⁹ Mek di Kristiɛn we po gladi bikɔs Gɔd dɔn tek am lɛkɛ sɔmbɔdi.

Jems 1:9 Iomraidhean Croise

Di Sam Dɛm 62:9

Poman na lɛk briz, jɛntri man in na laylay; if yu we dɛn, dɛn nɔ wɔt natin; dɛn ɔltu na ɛmti briz.

Prɔvabs 17:5

Udat provok poman nɔ rɛspɛkt PAPA GƆD we mek am ɛn yu gladi wɛn trɔbul mit in kɔmpin nɔ de go skɔchfri.

Prɔvabs 19:1

I fɔ bɛtɛ fɔ bi poman we de du wetin rayt, pas fɔ bi fulman wit soso bad wɔd na mɔt.

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Lyuk 1:52

I pul dɛn wan we gɛt pawa kɔmɔt na di ples we dɛn de rul ɛn mek dɛn po pipul rul na dɛn ples.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Lyuk 14:11

Da pɔsin we put insɛf ɔp, Gɔd go put am dɔŋ; ɛn da pɔsin we put insɛf dɔŋ, Gɔd go es am ɔp.”

Lyuk 9:48

I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam nain os fɔseka mi, na mi da pɔsin de dɔn tɛl fɔ kam nain os; ɛnibɔdi we tɛl mi fɔ kam nain os, dɔn tɛl di Wan we sɛn mi fɔ kam nain os. Di pɔsin we una nɔ tek bɛtɛ yay luk, nain go bi impɔtant pas una ɔl.”

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Ditarɔnɔmi 15:11

Mozis se, bikɔs po pipul dɛn mɔs de na di land ɔltɛm, so, na dat mek PAPA GƆD se dɛn nɔ fɔ mek traŋa at ɛn gridi dɛn brɔda; pipul we want ɛp ɛn di wan dɛn we po.

Ditarɔnɔmi 15:7

I se if ɛni wan pan dɛn we na Izrɛlayt we tap na di land we PAPA GƆD we na dɛn PAPA GƆD gi dɛn, nɔ gɛt bɛtɛ tin, nɔ fɔ mek traŋa at pan am;

Ditarɔnɔmi 15:9

Dɛm fɔ tek tɛm mek dɛn nɔ bigin tink bad tin lɛkɛ se di ia we mek sɛvin we na ia we nɔ fɔ pe dɛt, de kam jisnɔ ɛn if i kam, dɛn brɔda nɔ go gɛt fɔ pe igen; dat go mek dɛn nɔ gi dɛn brɔda natin ɛn i go go kray to PAPA GƆD ɛn PAPA GƆD go se dɛn dɔn sin.

Lɛta Fɔ Filipay 3:14

Na dat mek a de du ɔl wetin a fɔ du, fɔ gɛt di prayz we Gɔd de gi; dat na layf na ɛvin we go de sote go we Gɔd kɔl wi fɔ gɛt wɛn wi gɛt wanwɔd wit Jizɔs Krays.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

1 Samiɛl 2:8

I kin pul poman kɔmɔt pan po ɛn pul am pan po layf; I mek i sidɔm wit ayɔps ɛn gɛt wetin dɛnsɛf de ɛnjɔy. Na PAPA GƆD mek di wɔl; i fiks ɔltin aw dɛn fɔ de.