Jems 1:6 - Krio Fɔs Oli Baybul

⁶ Bɔt wɛn ɛnibɔdi aks Gɔd fɔ ɛnitin, mek da pɔsin de biliv se Gɔd go gi am wetin i aks fɔ, mek i nɔ dawt. Ɛnibɔdi we de dawt tan lɛkɛ swɛlin na wata we briz de blo, i nɔ stɛdi.

Jems 1:6 Iomraidhean Croise

Jɛnɛsis 49:4

Bɔt ɔl dis go dɔn. Yu go tan lɛkɛ wata na di si we nɔ de ɔnda kɔntrol, Bikɔs yu lidɔm wit mi uman ɛn briŋ shem pan mi.

Matyu 14:28

Nain Pita se, “Masta, if na yu, fɔ tru, mek a waka pantap di wata go mit yu.”

Apɔsul Dɛn Wok 10:20

So grap go mit dɛn ɛn nɔ fred fɔ fala dɛn go bikɔs na mi sɛn dɛn.”

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Jems 1:7

Pɔsin lɛkɛ dat jɛs de chenj chenj in maynd. Da pɔsin de fɔ no se Gɔd nɔ go gi am ɛnitin.

Jems 5:15

If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.

Pita In Sɛkɛn Lɛta 2:17

Dɛn kayn pipul ya jɛs tan lɛkɛ wɛl we nɔ gɛt wata ɛn lɛkɛ dak klawd we de sho se ren want kam wɛn di ples dray, bɔt big briz blo am go. Gɔd dɔn kip dak dak dak ples fɔ put dɛn.