Jems 1:4 - Krio Fɔs Oli Baybul

⁴ If una ebul bia ɔltin, una go bi lɛkɛ aw Gɔd want una fɔ bi ɛn una nɔ go gɛt ɛni bɔt na una layf.

Jems 1:4 Iomraidhean Croise

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Di Sam Dɛm 40:1

A wet wit peshɛnt fɔ PAPA GƆD fɔ ɛp mi; i yɛri mi ɛn kam ɛp mi.

Prɔvabs 4:8

Mek sɛns bi di tin we yu want pas ɔltin na wɔl, i nɔ go fel yu; if yu ol am wit tu an, i go ɔna yu.

Abakɔk 2:3

I se di tɛm nɔ rich yet fɔ lɛ wetin i go si na di vishɔn apin; bɔt di tɛm gɛt fɔ kam jisnɔ, i go bi ma; i se i fɔ bia fɔ si wetin go apin bikɔs i go tan lɛk natin nɔ de bi bɔt na di rayt tɛm i go bi.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Matyu 19:20

Di yɔŋman ansa Jizɔs se, “A dɔn kip ɔl dɛn lɔ ya. Wetin lɛf we a fɔ du?”

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Mak 10:21

Jizɔs luk di man ɛn lɛk am, so i se, “Wan tin lɛf we yu nɔ du yet, go sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin, da tɛm de yu go jɛntri na ɛvin; dɛn, kam bi mi lanin bɔy.”

Lyuk 18:22

Wɛn Jizɔs yɛri wetin di man tɔk, Jizɔs tɛl am se, “Na wan tin lɛf we yu nɔ du yet. Go, sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin. Wɛn yu dɔn du dat, yu go jɛntri na ɛvin. Afta dat kam bi mi lanin bɔy.”

Lyuk 21:19

If una bia ɛn tinap traŋa, una go gɛt tru layf.

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Jɔn 17:23

A de insay dɛn, yu de insay mi; a de pre mek dɛn de lɛkɛ wan pɔsin, so dat dɛn ɔda pipul na wɔl go no se na yu sɛn mi, ɛn yu lɛk dɛn lɛkɛ aw yu lɛk mi.

1 Kɔrint 2:6

Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔtalman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Sɛkɛn Lɛta To Timoti 3:17

so dat ɛnibɔdi we de du Gɔd wok go gɛt ɔl wetin i fɔ gɛt ɛn bi wetin i fɔ bi so dat i go ebul du ɔl kayn gud wok lɛkɛ aw i fɔ du am.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Sɛkɛn Lɛta 1:9

Bɔt if ɛnibɔdi de we nɔ de du dɛn tin ya, da pɔsin de tan lɛkɛ blɛnyay man ɛn i dɔn fɔgɛt se Krays bin dɔn pul sin kɔmɔt nain layf fɔ mek in layf klin.