Jems 1:22 - Krio Fɔs Oli Baybul

²² Una fɔ du wetin Gɔd in wɔd se. Pɔsin we jɛs de lisin Gɔd in wɔd nɔmɔ, bɔt i nɔ de du wetin i se, de mek insɛf ful.

Jems 1:22 Iomraidhean Croise

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Jɛrimaya 11:6

Nain PAPA GƆD tɛl mi se, “Anawns ɔl dɛn tin ya na di siti dɛn na Juda ɛn na di trit dɛn na Jerusɛlɛm: Yɛri wetin di Kɔvinant se, dɛn du dɛm.

Obadaya 1:3

I se di kak we una de kak se nɔbɔdi nɔ ebul una, dɔn mek una ful. Una fil se bikɔs una get ay ay wɔl oba una ed, nɔbɔdi nɔ go ebul una,

Matyu 12:50

Ɛnibɔdi we du wetin mi Papa we de na ɛvin want am fɔ du, nain na mi tru sista ɛn brɔda ɛn mama!”

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Lyuk 11:28

Jizɔs se, “Yɛs, dat na tru, bɔt mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

Lɛta Fɔ Rom 2:13

Nɔto we pɔsin yɛri wetin di Lɔ se de mek Gɔd padin am ɛn briŋ am kam bak to insɛf, bɔt na we i du wetin di Lɔ se.

1 Kɔrint 15:33

Una nɔ mek ɛnibɔdi mek una ful. “Bad kɔmpin de pwɛl pɔsin.”

1 Kɔrint 3:18

Mek nɔbɔdi nɔ mek insɛf ful. If ɛnibɔdi tink se in gɛt sɛns na dis wɔl, mek i put in yon sɛns wansay, so dat i go gɛt di tru sɛns.

1 Kɔrint 6:9

A shɔ se una no se nɔ bad pɔsin nɔ go go na di say we Gɔd de rul. Una nɔ mek unasɛf ful; dɛn pipul we liv bad layf, dɛn wan we de pre to dɛn tin we mɔtalman mek fɔ pre to, dɛn wan we de lɛf dɛn wɛf ɔ man go kip ɔda man ɔ uman, dɛn man we de kip dɛn kɔmpin man ɛn dɛn uman we de kip dɛn kɔmpin uman,

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Lɛta Fɔ Galeshya 6:7

Una nɔ mek unasɛf ful se una kin ful Gɔd. Na wetin una plant, una go gɛt.

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 4:17

So, ɛnibɔdi we no wetin i fɔ du ɛn i nɔ du am, da pɔsin de dɔn sin.

Pita In Sɛkɛn Lɛta 2:13

ɛn dɛn go sɔfa fɔ di bad we dɛn dɔn du ɔda pipul. Dɛn gladi fɔ du ɛnitin we dɛn lɛk wit dɛn bɔdi, de tɛm. Dɛn de disgres una we una ɔl de it wan ples ɛn di bad we dɛn de du de mek dɛn gladi.

Jɔn In Fɔs Lɛta 1:8

If wi se sin nɔ de na wi layf, wi de mek wisɛf ful, ɛn wi nɔ de tɔk tru.

Jɔn In Fɔs Lɛta 2:3

If wi gri fɔ du ɔl wetin Gɔd tɛl wi fɔ du, na da tɛm de nɔmɔ wi kin shɔ se wi no Gɔd gud.

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”