Jems 1:21 - Krio Fɔs Oli Baybul

²¹ Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Jems 1:21 Iomraidhean Croise

Di Sam Dɛm 25:9

Udat nɔ fil tu gud bɔt insɛf, i rɛdi fɔ tich am. I de gayd am aw fɔ du wetin rayt.

Ayzaya 2:20

Da tɛm de, pipul dɛn go trowe dɛn silva laylay gɔd ɛn gold laylay gɔd we dɛn mek fɔ dɛnsɛf fɔ wɔship, to dɛn grɔmpig ɛn dɛn bat,

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Ayzaya 30:22

Datɛnde, una go dɔti una laylay gɔd dɛm we kɔba wit silva ɛn di wan dɛn we kɔba wit gold, na mi yay. Una go skata dɛm lɛk tin dɛm we nɔ klin na mi yay; una go tɛl dɛn se, “kɔmɔt bifo mi!”

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Zɛfinaya 2:3

Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Matyu 5:5

“Dɛn wan we put dɛn yay dɔŋ, gɛt blɛsin, bikɔs dɛn go gɛt wetin Gɔd prɔmis!

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Jɔn 6:68

Saymɔn Pita ansa se, “Masta, udat wi go go to? Na yu de tɔk dɛn wɔd we de gi pɔsin layf we go de sote go.

Apɔsul Dɛn Wok 10:33

Na dat mek a sɛn kɔl yu wantɛm. I gud we yu kam. Wi kam na ya fɔ yɛri wetin di Masta dɔn tɛl yu fɔ tɛl wi. Gɔd de ya wit wi.”

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

1 Kɔrint 15:2

Di wɔd we a bin tɛl una, na di Gud Nyuz. Dis Gud Nyuz ya go mek una sev if una nɔ mek ɛnitin pul una at kɔmɔt pan am. If una mek ɛnitin pul una at kɔmɔt pan am na fɔ natin una bin biliv di Gud Nyuz.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Lɛta Fɔ Ɛfisɔs 5:4

Una nɔ fɔ tɔk bad, fulish, ɔ dɔti wɔd, bɔt una fɔ de tɛl Gɔd tɛnki.

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Taytɔs 2:11

Gɔd dɔn sho wi aw i gud we i want sev ɔlman.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Jems 5:20

una fɔ no se, di pɔsin we briŋ wan sina kam bak na Gɔd rod ɛn ɛp am mek i lɛf fɔ du bad, dɔn sev da pɔsin de ɛn Gɔd go padin am fɔ plɛnti ɔda bad tin dɛn we i du.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Fɔs Lɛta 1:9

di biliv we una biliv Gɔd dɔn mek una gɛt layf we go de sote go na ɛvin.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Pita In Fɔs Lɛta 2:11

Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.