Jems 1:19 - Krio Fɔs Oli Baybul

¹⁹ Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Jems 1:19 Iomraidhean Croise

Nɛimaya 8:18

Dɛn sɛlibret di fɛstival fɔ sɛvin de ɛn frɔm de wan te de sɛvin, Ɛzra bin de rid wetin rayt insay di buk we PAPA GƆD in lɔ rayt. Dɔn, dɛn ɔl gɛda wan ples, di de we mek et, fɔ go wit wetin di lɔ se.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Nɛimaya 9:3

Dɛn tinap fɔ tri awa we Ɛzra bin de rid na di buk we PAPA GƆD dɛn GƆD in lɔ rayt. Di ɔda tri awa dɛn yuz am fɔ kɔnfɛs ɛn wɔship PAPA GƆD dɛn GƆD.

Job 32:16

So mi fɔ sidɔm de wet bikɔs dɛn nɔ gɛt wetin fɔ tɔk igen, bikɔs dɛn jɛs tinap de ɛn nɔ de se natin igen?

Prɔvabs 10:19

Udat de tɔk tɔk bɔku de lay, bɔt yu de kɔntrol in mɔt gɛt sɛns.

Prɔvabs 13:3

Udat gi in mɔt kola de sev in layf, bɔt udat gɛt rɔnmɔt de du insɛf.

Prɔvabs 14:17

Udat gɛt shɔtat de mek bɔku bɔku mistek, bɔt yu peshɛnt de tek tiŋs izi.

Prɔvabs 14:29

Udat gɛt shɔtat de sho se in na fulman, bɔt yu nɔ gɛt shɔtat gɛt sɛns.

Prɔvabs 15:18

Shɔtat pɔsin kwik fɔ mek plaba, bɔt yu at fɔ vɛks de mek pis.

Prɔvabs 15:2

Wɛn sɛnsman de tɔk, ɔlman de gladi ɛn want fɔ yɛri mɔ; bɔt wɛn fulman opin in mɔt, na soso rotorata de kɔmɔt de.

Prɔvabs 16:32

Fɔ gɛt peshɛnt bɛtɛ pas fɔ gɛt pawa, ɛn udat ebul kɔntrol in tɛmpa bɛtɛ pas udat de win batul.

Prɔvabs 17:14

Plaba kin bigin lɛkɛ we wata de lik, so na fɔ tap am bifo i prɛd.

Prɔvabs 17:27

Udat gɛt sɛns nɔ de tɔk bɔku, semweso udat ebul kɔntrol insɛf, gɛt sɛns;

Prɔvabs 18:13

If yu ansa bifo yu yɛri wetin dɛn de tɔk, yu jɛs de sho se yu na fulman.

Prɔvabs 18:21

Dis mɔt, nain de mek, nain de pwɛl; aw yu yuz am, na so yu go bɛnifit.

Prɔvabs 19:11

Udat gɛt sɛns nɔ de vɛks kwik, ɛn wɛn yu nɔ tek natin mek natin, yu gɛt gud rɛspɛkt.

Prɔvabs 19:19

Ɛnibɔdi we se in gɛt wamat, lɛf am lɛ i pe fɔ in wamat; if yu ɛp am, i go du am bak.

Prɔvabs 21:23

Udat kɔntrol in mɔt nɔ de put insɛf pan trɔbul.

Prɔvabs 25:28

Pɔsin we nɔ ebul kɔntrol insɛf tan lɛkɛ siti we nɔ gɛt bawndri we ɛnibɔdi kin atak.

Prɔvabs 29:20

Fulman bɛtɛ pas pɔsin we de tɔk bifo i tink.

Di Nɔmba Dɛm 22:27

Wɛn di dɔŋki si PAPA GƆD in enjɛl, i jɛs sidɔm wit Belam, ɛn nɔ gri muf. Dat mek Belam vɛks ɛn bit am wit i wɔkinstik.

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Mak 12:37

“Devid insɛf kɔl di Mɛsaya, ‘Masta,’ so aw di Mɛsaya go bi wan pan in grampikin pikin dɛm?” Plɛnti pipul bin gladi fɔ yɛri wetin Jizɔs de tɔk.

Mak 2:2

Bɔku pipul go gɛda na di os, so dat ples nɔ bin de ɛni say igen fɔ put fut; pipul bin de ɔlɔbɔt, Jizɔs bin de tɛl dɛn di Gud Nyuz.

Lyuk 15:1

Dɛn pipul we de gɛda taks ɛn dɛn ɔda pipul we di Ju pipul dɛn nɔba miks wit bikɔs dɛn tink se dɛn nɔ de kip di Ju Lɔ aw dɛn fɔ kip am, bin de kam fɔ yɛri wetin Jizɔs de tɔk.

Lyuk 19:48

bɔt dɛn nɔ bin no wetin fɔ du bikɔs ɔl di pipul dɛn bin want yɛri wetin Jizɔs de tich, dɛn nɔ bin want mis wan wɔd sɛf.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Apɔsul Dɛn Wok 10:33

Na dat mek a sɛn kɔl yu wantɛm. I gud we yu kam. Wi kam na ya fɔ yɛri wetin di Masta dɔn tɛl yu fɔ tɛl wi. Gɔd de ya wit wi.”

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Apɔsul Dɛn Wok 2:42

Di apɔsul dɛn bin de lan dɛn Gɔd in wɔd. Dɛn bin de lɛkɛ brɔda ɛn sista ɛn dɛn bin de it ɛn pre na wan ples.

Lɛta Fɔ Ɛfisɔs 4:26

If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

Lɛta Fɔ Ɛfisɔs 4:31

Una nɔ fɔ gɛt bad at fɔ una kɔmpin, una nɔ fɔ gɛt wam at, una nɔ fɔ ala pan ɛnibɔdi, ɛn una nɔ fɔ kɔs. Una nɔ fɔ et ɛnibɔdi ɛn una nɔ fɔ tɔk bad bɔt una kɔmpin.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Kɔlɔse 3:8

Una fɔ tap fɔ du ɔl dɛn bad tin ya: una nɔ fɔ de vɛks; una nɔ fɔ vɛks te una nɔ no wetin una de du; una nɔ fɔ de mɛmba ɛnitin we go mek una want fɔ du una kɔmpin bad. Una nɔ fɔ tɛl ɛnibɔdi ɛnitin we go mek i fil smɔl; ɛn una nɔ fɔ tɔk bad wɔd.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Jems 1:16

Mi Kristiɛn pipul dɛn, mek nɔbɔdi nɔ mek una ful.

Jems 1:2

Mi Kristiɛn pipul dɛn, una fɔ gladi wɛn ɛni waala mit una,

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jems 2:1

Mi pipul dɛn we biliv pan wi Masta Jizɔs Krays we de rul wit pawa, una nɔ fɔ trit wan pɔsin fayn pas in kɔmpin bay aw una si di pɔsin.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Jems 3:10

Na dis sem mɔt ya wi de tek fɔ tɛl Gɔd tɛnki ɛn fɔ kɔs. Mi kɔmpin Kristiɛn dɛn, i nɔ fɔ bi so.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 5:12

Mi kɔmpin Kristiɛn dɛn, a want tɛl una wan ɔda tin we pas ɔl wetin a bin dɔn tɛl una. Wɛn una prɔmis fɔ du sɔntin, una nɔ fɔ swɛ. Una nɔ swɛ to Gɔd, una nɔ swɛ wit ɛnitin na dis wɔl. If una gri fɔ ɛnitin, una fɔ se, “Yɛs;” if una nɔ gri, una fɔ se, “Nɔ,” so dat wɛn Gɔd go jɔj una, i nɔ go kɔndɛm una.

Jems 5:19

Mi kɔmpin Kristiɛn dɛn, if ɛni wan pan una slipul ɛn kɔmɔt na Gɔd in rod, bɔt sɔmbɔdi briŋ am kam bak,

Jɔn In Fɔs Lɛta 2:21

So, nɔto bikɔs una nɔ no wetin tru mek a de rayt to una bɔt Krays, a de rayt bikɔs una no wetin tru bɔt Krays. Una no se lay nɔ gɛt ɛnitin fɔ du wit wetin tru.