Jems 1:14 - Krio Fɔs Oli Baybul

¹⁴ Na di bad we de na pɔsin in at de mek di pɔsin want fɔ du bad.

Jems 1:14 Iomraidhean Croise

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

2 Samiɛl 11:4

Devid sɛn pipul fɔ go fɔ am ɛn wɛn i kam dɛn tu lidɔm da nɛt de. Bathshiba bin jɛs dɔn di spɛshal was we i fɔ was afta in piriɔd. We in ɛn Devid dɔn, i go bak usay i de slip.

Job 31:27

ɛn mi at tek dɛn sikrit wan te a de kis mi an de wɔship dɛn;

Job 31:9

“If mi at dɔn go to ɛni ɔda uman, ɛn if a dɔn ayd de luk dɛn wɛf dɛn,

Prɔvabs 4:23

Tek tɛm aw yu de tink; bikɔs aw yu de tink na so yu de biev.

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Ozie 13:9

I se in go dɔnawe wit Izrɛl ɛn nɔbɔdi nɔ go ebul ɛp dɛn.

Matyu 15:18

Bɔt di wɔd dɛn we pɔsin de tɔk sho udat i bi, bikɔs nain at di wɔd dɛn de kɔmɔt, ɛn na dat de mek pɔsin nɔ klin na Gɔd in yay.

Matyu 15:20

Na tin dɛn lɛkɛ dɛn wan ya de mek pɔsin nɔ klin na Gɔd in yay, nɔto we pɔsin nɔ was in an bifo i it.”

Matyu 4:1

Afta dat, Gɔd in Spirit lid Jizɔs go na di dɛzat we Setan tray Jizɔs fɔ mek i du bad.

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Lɛta Fɔ Rom 7:11

Di lɔ mek sin gɛt chans fɔ mek mi ful, ɛn na di lɔ sin tek kil mi.

Lɛta Fɔ Rom 7:13

Dat min se na di Lɔ we gud mek a day? Nɔto di Lɔ du dat! Na sin tek di Lɔ we gud fɔ kil mi so dat pipul go no aw sin tan fɔ tru, ɛn bikɔs di lɔ se pɔsin nɔ fɔ sin, dat mek sin kam wɔs pas aw i bin tan.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Di Ibru Pipul Dɛn 3:13

Bɔt una fɔ de kɔrej una kɔmpin dɛn ɔltɛm, so dat sin nɔ go mek ɛni wan pan una ful ɛn mek una traŋayes. Na dat una fɔ de du ɛvri de, wans nɔmɔ “Tide” na tide.

Jems 1:13

Wɛn ɛnitin mit pɔsin we go mek di pɔsin want fɔ du bad, i nɔ fɔ se, “Na Gɔd mek a want du dis bad ya.” Bikɔs Gɔd nɔ de du bad ɛn i nɔ de du ɛnibɔdi ɛnitin we go mek di pɔsin fil fɔ du bad.

Jems 1:15

Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.