Jems 1:12 - Krio Fɔs Oli Baybul

¹² Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jems 1:12 Iomraidhean Croise

Jɛnɛsis 22:1

I nɔ tu te afta dat, PAPA GƆD tɛst Ebraam; i kɔl am, “Ebraam!” Ebraam ansa am se, “Yɛs, luk mi!”

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

Job 2:10

Job tɛl am se i de tɔk lɛk udat nɔ no PAPA GƆD. I se if dɛn fɔ gladi we PAPA GƆD du gud fɔ dɛn bɔt kɔmplen we bad tin bi to dɛn.

Job 5:17

Na tru se i go fayn fɔ di man we PAPA GƆD de kɔrɛkt, so pɔsin nɔ fɔ vɛks pan PAPA GƆD Ɔlmayti if i de kɔrɛkt am.

Di Sam Dɛm 11:5

PAPA GƆD de si ɛn no wetin ɔlman de du, i kin tɛst udat de du gud ɛn i nɔ lɛk udat lɛk fɔ du bad.

Di Sam Dɛm 119:67

Bifo trɔbul mit mi, a bin dɔn kɔt rop, bɔt naw a de obe yu lɔ.

Di Sam Dɛm 119:71

If a nɔ bin de pan trɔbul a nɔ bin fɔ no wetin yu lɔ se.

Di Sam Dɛm 119:75

A no se yu lɔ dɛn na fɔ jɔj tin dɛn di rayt we, ɛn na bikɔs yu de du tin dɛn di rayt we ɔltɛm lɛ yu pɔnish mi.

Di Sam Dɛm 5:11

Bɔt lɛ ɔl udat abop pan yu fɔ kɔba dɛn, gladi. Lɛ dɛn de siŋ ɔltɛm bikɔs dɛn gladi. Kɔntinyu fɔ kɔba dɛn lɛkɛ aw fɔl de kɔba in pikin dɛn, so dat dɛn go gladi ɔltɛm fɔ wetin yu de du.

Di Sam Dɛm 94:12

PAPA GƆD, di pɔsin we yu de kɔrɛkt, gɛt blɛsin, in na pɔsin we de lan yu lɔ;

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Prɔvabs 17:3

Lɛkɛ aw dɛn de yuz faya fɔ tɛst gold ɛn silva if dɛn piɔ, na so PAPA GƆD de tɛst pɔsin in at.

Ayzaya 64:4

Frɔm di wɔl bigin, nɔbɔdi nɔ yɛri ɔ ɔndastand wit in yes, nɔn yay nɔ si ɛni ɔda Gɔd apat frɔm yu, we de wok fɔ dɛn wan we biliv am.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Lyuk 6:22

“Una gɛt blɛsin wɛn mɔtalman nɔ lɛk una ɛn dɛn nɔ want gɛt ɛnitin fɔ du wit una, ɛn wɛn dɛn de kɔs una ɛn tɔk bad bɔt una, bikɔs una biliv Mɔtalman Pikin ɛn una de fala am!

Lɛta Fɔ Rom 5:4

ɛn we wi gɛt maynd fɔ bia, Gɔd go satisfay wit wi, ɛn we Gɔd satisfay wit wi, wi go no se wi go gɛt ɔl wetin Gɔd dɔn prɔmis wi na dis wɔl ɛn nɛks wɔl.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

1 Kɔrint 2:9

Bɔt, wi fɔ mɛmba se, dɛn rayt na Gɔd in Buk se, “Yay nɔ si yet, yes nɔ yɛri yet, mɔtalman nɔ no yet wetin Gɔd dɔn rɛdi fɔ dɛn wan we lɛk am.”

1 Kɔrint 8:3

Bɔt if pɔsin lɛk Gɔd, Gɔd no se da pɔsin de nain yon.

1 Kɔrint 9:25

Ɛnibɔdi we want tek pat pan rɔnres, na pɔsin we nɔ go du ɛnitin we nɔ go mek in bɔdi fit, ɛn i go de du ɔl dɛn tin we go mek i ebul rɔn. Ɔl dɛn tin ya we i de du na fɔ mek i gɛt krawn di de we i go win, bɔt da krawn de na krawn we nɔ go las; bɔt ɔl wetin wi de du, na fɔ mek wi gɛt di krawn we Gɔd go gi wi, we go las sote go.

Ditarɔnɔmi 13:3

dɛn nɔ fɔ gri; sɔntɛnde, na PAPA GƆD we na dɛn PAPA GƆD go de tɛst dɛn, dɛn nɔ no. I go wan no if dɛn lɛk am wit ɔl dɛn at ɛn sol.

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Sɛkɛn Lɛta To Timoti 2:15

Tray gud mek Gɔd satisfay wit yu, bikɔs i si se yu na wokman we nɔ de shem fɔ du in wok ɛn yu de lan pipul di tru wɔd bɔt Gɔd, aw yu fɔ lan dɛn.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Di Ibru Pipul Dɛn 10:32

Una fɔ mɛmba aw una bin de du fɔstɛm, wɛn una bin dɔn ɔndastand Gɔd yon we. Da tɛm de, pan ɔl we una bin de sɔfa bad, una bin bia ɛn tinap traŋa.

Di Ibru Pipul Dɛn 11:17

Na bikɔs Ebraam bin biliv Gɔd, mek, wɛn Gɔd tɛst am, i gri fɔ tek Ayzak, we na bin in wangren pikin, fɔ sakrifays am to Gɔd. Ebraam bin go fɔ sakrifays Ayzak pan ɔl we Gɔd bin dɔn prɔmis Ebraam

Di Ibru Pipul Dɛn 12:5

So una nɔ fɔgɛt Gɔd in wɔd we i tek kɔrej una, wɛn i kɔl unain pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu.

Di Ibru Pipul Dɛn 6:15

Bikɔs Gɔd bin dɔn prɔmis dat, Ebraam nɔ bin dawt, so i gɛt ɔl wetin Gɔd bin dɔn prɔmis se i go gi am.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Jems 5:11

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Pita In Fɔs Lɛta 3:14

Bɔt if una gɛt fɔ sɔfa sɛf bikɔs una de du wetin rayt, una gɛt blɛsin! Una nɔ fɔ fred wetin pɔsin de du ɛn una nɔ fɔ wɔri fɔ natin.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.