Jems 1:10 - Krio Fɔs Oli Baybul

¹⁰ Mek di Kristiɛn we jɛntri gladi bikɔs Gɔd nɔ tek in jɛntri mek natin, bikɔs di jɛntri man go day lɛkɛ dɛn fayn flawa we wi kin si tide, tumara dɛn dɔn lɔs.

Jems 1:10 Iomraidhean Croise

Job 14:2

I kin bigin layf frɛsh wan lɛk flawa, bɔt kin wida leta; I kin jɛs lɔs lɛk shado ɛn yu nɔ si am igen

Di Sam Dɛm 102:11

Mi layf tan lɛk ivintɛm shado; na day a de day so; a go wida ɛn day lɛk gras.

Di Sam Dɛm 103:15

Wi mɔtalman, wi layf shɔt lɛkɛ gras, wi kin fiba wayl flawa we fayn fɔ luk na bush;

Di Sam Dɛm 37:2

Bikɔs dɛn go wida lɛk gras jisnɔ, ɛn lɛk dɛn grin plant.

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Ayzaya 40:6

Wan vɔys de se “Ala!” Nain a se “wetin a go ala se?” Ɔl mɔtalman na gras, ɛn ɔl in fayn we i fayn, na lɛk flawa na fil.

Ayzaya 40:7

Di gras de wida, di flawa de fed, wɛn PAPA GƆD blo pan am; fɔ tru, di pipul dɛn na gras.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Matyu 6:30

Na Gɔd de mek flawa gro pan gras lɛkɛ we pɔsin go wɛr klos, da gras we de tide, ɛn tumara, dɛn go ib am na faya fɔ bɔn. Gɔd nɔ go du pas dat fɔ gi una klos fɔ wɛr? Una nɔ biliv Gɔd lɛkɛ aw una fɔ biliv am!

1 Kɔrint 7:31

dɛn wan we de dil wit dɛn tin we de na dis wɔl, nɔ fɔ put ɔl dɛn at pan dɛn. Di tin we fɔ mek ɔlman du lɛkɛ aw a tɛl dɛn na bikɔs dis wɔl nɔ go de lɔŋ igen.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Jems 4:14

Bɔt una nɔ no wetin go bi to una tumara. Una layf tan lɛkɛ fɔg we kin de wan minit, di ɔda minit i dɔn lɔs.

Pita In Fɔs Lɛta 1:24

Dɛn rayt na Gɔd in Buk se, “Mɔtalman na lɛkɛ gras, ɛn ɔl wetin fayn pan am jɛs tan lɛkɛ dɛn flawa we de gro pan gras. Di gras go wida ɛn di dray flawa dɛn go fɔdɔm na grɔn,

Jɔn In Fɔs Lɛta 2:17

Di wɔl ɛn ɔltin we lib de we pipul want bad bad go dɔn wande, bɔt di pɔsin we du wetin Gɔd want go de sote go.