Jems 1:1 - Krio Fɔs Oli Baybul

¹ Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Jems 1:1 Iomraidhean Croise

1 Kiŋ 18:31

I tek twɛlv ston; wan ston tinap fɔ wan pan Jekɔb in pikin dɛn Jekɔb, we nain PAPA GƆD bin dɔn se go nem Izrɛl.

Ɛzra 6:17

Fɔ di dɛdikeshɔn sɛrimɔni, dɛn kil wan ɔndrɛd man kaw, tu ɔndrɛd man ship ɛn fo ɔndrɛd yɔŋ man ship. Dɔn dɛn kil twɛlv man got fɔ mek sakrifays fɔ dɛn sin, wan got fɔ ich fambul na Izrɛl.

Ɛsta 3:8

Wande, Eman tɛl di kiŋ se sɔm rɛfyuji dɛn de ɔlɔbɔt nain kindɔm; i se dɛn difrɛn pas ɔl di pipul de ɛn dɛn nɔ de du wetin di kiŋ se, so di kiŋ nɔ go gen natin if i tɔlaret dɛn.

Ɛksodɔs 24:4

Mozis insɛf rayt dɔŋ ɔl wetin PAPA GƆD se. Mozis grap ali mɔnin ɛn tek twɛlv ston bil ɔlta dɔŋ di mawnten. Ich ston bin de rɛprizɛnt wan pan di twɛlv fambul dɛn na Izrɛl.

Ɛksodɔs 28:21

Na twɛlv ston dɛn fɔ de pan am, dɛn ɔl fɔ rɛprizɛnt wan pan Izrɛl in bɔypikin dɛn, ɛn dɛn fɔ tan lɛkɛ stamp we gɛt ɔlman in nem pan am.

Ɛksodɔs 39:14

Ɔl di twɛlv ston dɛn gɛt wan pan Jekɔb in bɔypikin dɛn nem. Na dɛn de rɛprizɛnt di twɛlv fambul dɛn na Izrɛl.

Izikɛl 12:15

Ɛn dɛn go no se na mi na PAPA GƆD, wɛn a go dɔn sheb dɛn na di difrɛn neshɔn dɛn ɛn skata dɛn na di difrɛn kɔntri dɛn.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Matyu 10:3

Filip ɛn Batalomyu; Matyu we bin de gɛda taks, ɛn Tɔmɔs; Jems we na bin Alfiɔs in pikin, ɛn Tadiɔs;

Matyu 13:55

Nɔto da kapinta in pikin? Meri nɔto in mama, ɛn nɔto Jems, Josɛf, Saymɔn ɛn Judas dɛn brɔda?

Matyu 19:28

Jizɔs se, “A de tɛl una se, nɛks wɔl wɛn Mɔtalman Pikin go sidɔm nain chia fɔ rul di wɔl wit in wɔndaful pawa na ɛvin, una twɛlv we dɔn de wit mi, go sidɔm pan twɛlv chia fɔ rul di twɛlv neshɔn dɛn we de na Izrɛl.

Mak 3:18

Andru, Filip, Batalomyu, Matyu, Tɔmɔs, Jems we na Alfiɔs in pikin, Tadiɔs, Saymɔn we bin de fɛt fɔ fri in pipul dɛn,

Lyuk 22:30

Una go it ɛn drink wit mi na di say we a de rul, ɛn we una de rul una go jɔj di twɛlv neshɔn dɛn we de na Izrɛl.

Lyuk 6:15

Matyu ɛn Tɔmɔs, Jems we na bin Alfiɔs in pikin, ɛn Saymɔn we bin de fɛt fɔ fri in pipul dɛn,

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?

Apɔsul Dɛn Wok 1:13

Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Batalomyu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin.

Apɔsul Dɛn Wok 12:17

Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi.

Apɔsul Dɛn Wok 15:13

Wɛn Banabas ɛn Pɔl dɔn tɔk dɔn, nain Jems se, “Mi pipul dɛn, a want mek una lisin mi!

Apɔsul Dɛn Wok 15:21

I dɔn te we dɛn de rid di Lɔ we Gɔd gi Mozis, dɛn de go ɔlsay fɔ tɛl pipul wetin Mozis bin tɔk.”

Apɔsul Dɛn Wok 15:23

Di chɔch pipul dɛn gi dɛn lɛta fɔ kɛr go; dɛn rayt na di lɛta se, “Wi, di apɔsul dɛn ɛn dɛn chɔch bigman, we na una brɔda dɛn, de sɛn adu to una dɛn pipul we nɔto Ju ɛn we biliv pan Jizɔs, we tap na Antiɔk, Siria, ɛn Silishia.

Apɔsul Dɛn Wok 2:5

Ɔl dɛn Ju pipul we fred Gɔd, we kɔmɔt ɔlɔbɔt na dɛn ɔda kɔntri, bin de na Jerusɛlɛm da tɛm de.

Apɔsul Dɛn Wok 21:18

Di ɔda de Pɔl fala wi go to Jems, ɛn ɔl di bigman dɛn na di chɔch bin de na di ples.

Apɔsul Dɛn Wok 23:26

“Mi, Klɔdiɔs Lisias de rayt to yu sa, Gɔvna Filiks. A de tɛl yu adu, sa!

Apɔsul Dɛn Wok 26:7

Dɛn twɛlv trayb na di Ju neshɔn bin abop se dis tin ya we Gɔd bin prɔmis wi grampapa papa dɛn, go bi. Dɛn bin de pre to Gɔd de ɛn nɛt. Kiŋ Agripa, na bikɔs misɛf biliv dis sem tin mek dɛn de tɔk bad bɔt mi.

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Lɛta Fɔ Galeshya 1:19

Na Jems we na Masta Jizɔs in brɔda ɛn Pita nɔmɔ a mit de, a nɔ bin si ɔda apɔsul dɛn.

Lɛta Fɔ Galeshya 2:12

Bifo di pipul dɛn we Jems bin sɛn, rich na Antiɔk, Pita bin dɔn de it wit di Kristiɛn dɛn we nɔto bin Ju, bɔt we di pipul dɛn we Jems sɛn rich, Pita lɛf fɔ it wit dɛn, bikɔs i bin de fred dɛn pipul we bin de pin se, dɛn fɔ sakɔmsayz ɔl dɛn man we na Kristiɛn we nɔto Ju.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Ditarɔnɔmi 30:3

datɛnde, PAPA GƆD we na dɛn PAPA GƆD go sɔri fɔ dɛn ɛn si dɛn lɛkɛ in yon pipul dɛn bak. PAPA GƆD go gɛda dɛn kɔmɔt na ɔl di kɔntri dɛn we i bin skata dɛn, ɛn mek dɛn gɛt ɔl dɛn jɛntri bak.

Ditarɔnɔmi 32:26

A bin fɔ dɔn kil dɛn ɔl lɔntɛm so nɔbɔdi nɔ go mɛmba dɛn.

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Sɛkɛn Lɛta To Timoti 4:21

Tray fɔ mek yu kam bifo di kol sizin. Ubulɔs, Pudɛns, Laynɔs ɛn Klɔdia, wit ɔl dɛn ɔda Kristiɛn brɔda dɛn sɛn adu fɔ yu.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Pita In Fɔs Lɛta 1:1

Mi Pita, we na Krays in apɔsul, de rayt to una we Gɔd dɔn pik, we skata ɔlɔbɔt na Pɔnchɔs, Galeshya, Kapadoshia, Eshya ɛn Bitinya, we de lɛkɛ trenja na ɔl dɛn kɔntri ya.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Rɛvɛleshɔn 7:4

Dɛn a yɛri ɔmɔs pipul di enjɛl dɛn bin stamp; di nɔmba na bin wan ɔndrɛd ɛn fɔti-fo tawzin, dɛn bin kɔmɔt na ɔl dɛn trayb na Izrɛl.