Daniɛl 8:3 - Krio Fɔs Oli Baybul

³ We a es mi yay ɔp, a si wan manship tinap na di sho. I bin gɛt tu ɔn; ɔl tu bin ay, bɔt wan bin ay pas in kɔmpin, bɔt na di wan we ay pas di ɔda wan bin kam ɔp afta di fɔs wan.

Daniɛl 8:3 Iomraidhean Croise

1 Kronikuls 21:16

Devid es in yay ɛn in i si PAPA GƆD in enjɛl tinap midul di skay, ɛn i bin ol wan sɔd nain an we i tret oba Jerusɛlɛm. Nain Devid ɛn di bigman dɛn we bin wɛr saklɔth ɛn butu dɛn fes na grɔn.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Ɛzra 4:5

Dɛn aya masinari fɔ ɔndamayn di wok ɛn diskɔrej dɛn. Ɔl dis bi we Kiŋ Sayrɔs bin de rul Pashia, ɛn sɛf we Kiŋ Dariɔs in tek ova as kiŋ na Pashia, di sem tin kɔntinyu.

Ɛsta 1:3

Na bin di tɛm we i bin dɔn bi kiŋ fɔ tri ia, i mek pati fɔ in bigman dɛn, wokman dɛn ɛn di ami chif dɛn we de na Pashia ɛn Mɛdia, wit di aristo dɛn ɛn di gɔvna dɛn we de usay i de rul.

Ayzaya 13:17

A de tɛl una, a go mek dɛn Mɛdis, we nɔ tek silva mek natin ɛn nɔ tek gold mek natin, dɛn at wam pan dɛn.

Ayzaya 21:2

Dɛn sho mi wan siriɔs siriɔs vishɔn; di man we de lut, de lut, ɛn di pɔsin we de nyakanyaka, de nyakanyaka. Yu Ilam, go atak, le ambush, yu Mɛdia; A go tap ɔl di pini we i dɔn mek una pini.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Daniɛl 10:5

a es mi yay ɔp ɛn luk, nain a si wan man we bin wɛr linin klos ɛn i bin tay bɛlt we dɛn mek wit di gold we fayn pas ɔl, rawnd in wes, ɛn i kɔmɔt na Ɔpaz.

Daniɛl 2:39

Wɛn yu yon tɛm dɔn, ɔda kindɔm go grap, bɔt i nɔ go rich yu yon. Dɔn di nɔmba tri kindɔm, we na di bras pat pan di imej, go kam, ɛn i go rul di wanol wɔl.

Daniɛl 5:31

Ɛn di kindɔm bin go to Dariɔs we na Mɛdi ɛn i bin ol bɔt siksti-tu ia.

Daniɛl 6:28

So bɛtɛ bin fala Daniɛl di tɛm we Dariɔs bin de rul ɛn we Sayrɔs we na Pashian bin de na pawa.

Daniɛl 7:5

Ɛn a si wan ɔda bist, di sɛkɛn wan. In bin tan lɛkɛ bia. Dɛn bin es am ɔp wansay; i bin gɛt tri bon rib insay in mɔt midul in tit dɛn, ɛn dɛn bin tɛl am se, ‘grap, it bɔku bɔku flɛsh.’

Daniɛl 8:2

Insay di vishɔn, we a luk, a bin de na Susa, di kapital siti we de na Ɛlam prɔvins; ɛn a si misɛf insay di vishɔn se a de na di riva Ulay

Daniɛl 8:20

As fɔ di manship wit di tu ɔn we yu si, di tu ɔn na fɔ di Midian ɛn Pashian kiŋ dɛn.

Zɛkaraya 1:18

We i es in ed ɔp, nain i si fo ɔn.

Zɛkaraya 2:1

I es in ed ɔp ɛn si wan man we ol rop we fɔ tek mɛzhɔ nain an.

Zɛkaraya 5:1

We i es in yay ɔp, i si wan rol pepa de flay.

Zɛkaraya 5:5

Di enjɛl we bin de tɔk to am kam bifo ɛn tɛl am se, lɛ i es in ed ɔp ɛn si wetin de bi.

Zɛkaraya 5:9

I es in ed ɔp fɔ luk gud, nain i si tu uman de flay kam bifo am. Dɛn fɛda lɛk da bɔd we dɛn kin kɔl kaw enjɛl ɛn dɛn tot lod kɔmɔt na wɔl fɔ flay go.

Zɛkaraya 6:1

We i es in ed ɔp bak i si fo ɔs ɛn karej de kɔmɔt midul tu mawnten we dɛn mek wit bras.

Di Nɔmba Dɛm 24:2

Wɛn Belam luk de i si di Izrɛlayt dɛn de na dɛn kamp ɛn dɛn bin de na grup bay na dɛn difrɛn fambul. Nain PAPA GƆD in Spirit kam pan am

Jɔshwa 5:13

Wande we Jɔshwa ɛn in pipul dɛn bin stil kamp nia Jɛriko, Jɔshwa jɔs si wan man we ol sɔd tinap bifo an, so Jɔshwa go mit am ɛn aks am se if i de fɔ dɛn ɔ i nɔ de fɔ dɛn.

Rɛvɛleshɔn 13:11

Wɛn dat dɔn, na de a si wan ɔda wayl bif de kɔmɔt insay di grɔn kam ɔp. I bin gɛt tu ɔn dɛn we fiba ship pikin ɔn, ɛn i bin de tɔk lɛkɛ dragɔn.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.