Fɔs Lɛta To Timoti 6:4 - Krio Fɔs Oli Baybul

⁴ da pɔsin de prawd bad ɛn i nɔ sabi natin; i jɛs lɛk fɔ de agyu ɛn mek plaba fɔ wan wan wɔd dɛn, ɛn dat bad bikɔs i de mek pipul jɛlɔs dɛn kɔmpin, i de mek dɛn nɔ gɛt wanwɔd, i de mek dɛn kɔs dɛn kɔmpin ɛn mek dɛn luk se dɛn kɔmpin want du dɛn bad;

Fɔs Lɛta To Timoti 6:4 Iomraidhean Croise

Prɔvabs 13:7

Sɔm man de mek gɛt-gɛt, bɔt in nɔ gɛt dondo, na de sɔm we de mek nɔ gɛt, gɛt os ɛn lɔt.

Prɔvabs 25:14

Lɛkɛ aw klawd kin de gɛda ɛn briz blo fɔ lɛ ren kam bɔt i nɔ kam, na so man we gɛt big tɔk tan.

Prɔvabs 26:12

Man we no se in na fulman, bɛtɛ pas di man we tink se in no pas aw i no.

Ayzaya 58:4

A de tɛl una, una kin fast fɔ mek plaba ɛn fɛt nɔmɔ ɛn fɔ bɔks pipul wit una wikɛd an. Dɛn una kayn fast dɛn tɛm ya nɔ go mek a yɛri una prea.

Apɔsul Dɛn Wok 15:2

Pɔl ɛn Banabas nɔ bin gri wit di tin we dɛn pipul ya bin de lan di pipul dɛn na Antiɔk, so dɛn bigin agyu traŋa wan wit di Judia pipul dɛn bɔt dat. Dɛn gri fɔ mek Pɔl ɛn Banabas ɛn sɔm ɔda Kristiɛn dɛn na Antiɔk go Jerusɛlɛm fɔ tɔk bɔt dat to di apɔsul dɛn ɛn dɛn bigman na di chɔch.

Apɔsul Dɛn Wok 18:15

Bɔt we una jɛs de tɔk bɔt wan wan wɔd dɛn, difrɛn, difrɛn nem dɛn, ɛn una yon Ju Lɔ, a nɔ go jɔj am. Una go jɔj am to unasɛf.”

Apɔsul Dɛn Wok 8:9

Wan man bin de na Sameria we bin nem Saymɔn we bin de ple majik, ɛn mek di pipul dɛn wɔnda. I tɛl dɛn se in na pɔsin we kin du ɔltin.

Lɛta Fɔ Rom 12:16

Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

1 Kɔrint 11:16

If ɛnibɔdi want fɔ agyu bɔt dat, a go jɛs tɛl am se frɔm tɛm na di rul dat we uman ɛn man de kip wɛn wi de pre na wi chɔch, ɛn na di rul dat we dɛn ɔda Kristiɛn dɛn de kip wɛn dɛn de pre na dɛn yon chɔch.

1 Kɔrint 11:18

Di fɔs tin we a want tɔk nain dis: a yɛri se wɛn una mit, una nɔ kin gɛt wanwɔd; a biliv se sɔm tru de pan wetin a yɛri.

1 Kɔrint 3:18

Mek nɔbɔdi nɔ mek insɛf ful. If ɛnibɔdi tink se in gɛt sɛns na dis wɔl, mek i put in yon sɛns wansay, so dat i go gɛt di tru sɛns.

1 Kɔrint 3:3

bikɔs una de du lɛkɛ se una nɔ gɛt Gɔd in Spirit yet. Na dat mek una nɔ lɛk fɔ si bɛtɛ fala una kɔmpin, una de mek plaba wit una kɔmpin, ɛn una nɔ gɛt wanwɔd! Una de du lɛkɛ dɛn pipul we nɔ gɛt Gɔd in Spirit!

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.

Lɛta Fɔ Galeshya 5:15

If una de lɛkɛ dɛn bif na bush we de fɛt ɛn wund dɛn kɔmpin, wɛl, una tek tɛm, if nɔ so, una go pwɛl una Kristiɛn grup ɔltogɛda.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Lɛta Fɔ Filipay 1:15

Na tru se, sɔm pipul de we de tɔk bɔt Jizɔs Krays bikɔs dɛn de jɛlɔs mi ɛn dɛn want sho se dɛn de wok pas mi, bɔt ɔda pipul de we de tɔk bɔt Jizɔs Krays bikɔs dɛn want fɔ du wetin rayt.

Lɛta Fɔ Filipay 2:14

Una nɔ fɔ grɔmbul ɛn una nɔ fɔ agyu wɛn una de du ɛnitin,

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Fɔs Lɛta To Timoti 1:4

Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

Fɔs Lɛta To Timoti 1:7

Dɛn want fɔ lan pipul bɔt di Lɔ, bɔt dɛnsɛf nɔ ɔndastand di Lɔ ɛn di tin dɛn we dɛnsɛf de tɔk bɔt, pan ɔl we dɛn de tɔk lɛkɛ se dɛn shɔ se dɛn tin de na tru.

Fɔs Lɛta To Timoti 3:6

I nɔ fɔ bi man we jɛs no Krays bikɔs sɔntɛm i go prawd, ɛn dat go mek Gɔd kɔndɛm am lɛkɛ aw i bin kɔndɛm Setan.

Sɛkɛn Lɛta To Timoti 2:14

Mɛmba yu pipul dɛn bɔt dɛn wɔd ya, ɛn wɔn dɛn siriɔs wan bifo Gɔd mek dɛn nɔ fɛt fɔseka dɛn wɔd we nɔ min natin. Dat nɔ de ɛp ɛnibɔdi, bifo dat i de mek dɛn pipul we de lisin, nɔ biliv Gɔd.

Sɛkɛn Lɛta To Timoti 2:23

Nɔ miks pan dɛn fulish agyumɛnt we pipul we nɔ sabi natin de gɛt; yu no se na plaba dɛn kin ɛnd pan.

Sɛkɛn Lɛta To Timoti 3:4

dɛn nɔto pipul we ɛnibɔdi go abop pan; dɛn nɔ go bisin if dɛn de du tin we bad ɛn dɛn go prawd bad; dɛn go lɛk fɔ ɛnjɔy dɛnsɛf, dɛn nɔ go lɛk Gɔd;

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Pita In Sɛkɛn Lɛta 2:12

Bɔt dɛn ticha ya de tɔk bad bɔt tin we dɛn nɔ sabi natin bɔt, ɛn laf dɛn; dɛn jɛs tan lɛkɛ wayl bif na bush we nɔ de tink, dɛn jɛs de du ɛnitin we dɛn ed gi dɛn fɔ du; so jɛs lɛkɛ aw dɛn wayl bif de bɔn kam na wɔl fɔ mek pipul kech dɛn, ɛn kil dɛn, na so pipul go kil dɛn ticha ya,

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Jud In Lɛta 1:10

Bɔt dɛn pipul ya de tɔk bad bɔt ɛnitin we dɛn nɔ sabi; dɛn de du ɛnitin we dɛn ed gi dɛn fɔ du lɛkɛ dɛn bif na bush, ɛn na dat de pwɛl dɛn.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

Rɛvɛleshɔn 3:17

Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.