Fɔs Lɛta To Timoti 6:2 - Krio Fɔs Oli Baybul

² Dɛn slev we dɛn masta na Kristiɛn nɔ fɔ se bikɔs dɛn ɔl na brɔda, dɛn nɔ go gi dɛn rɛspɛkt. Dɛn fɔ du dɛn wok bɛtɛ sɛf, bikɔs di wok we dɛn de du go bɛnifit dɛn masta we na Kristiɛn ɛn we lɛk Gɔd, lɛkɛ dɛnsɛf. Yu fɔ de lan pipul dɛn tin ya ɛn yu fɔ de tɛl pipul bɔt dɛn.

Fɔs Lɛta To Timoti 6:2 Iomraidhean Croise

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Matyu 23:8

Una nɔ fɔ mek pipul kɔl una ‘Ticha,’ bikɔs na wangren Ticha una gɛt, ɛn una ɔl na brɔda ɛn sista.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Lɛta Fɔ Ɛfisɔs 1:15

Na dat mek, frɔm we a yɛri se una dɔn biliv pan Masta Jizɔs ɛn aw una lɛk ɔl dɛn pipul we na Kristiɛn,

Lɛta Fɔ Ɛfisɔs 3:6

Di sikrit we a de tɔk bɔt nain dis: Wɛn dɛn pipul we nɔto Ju biliv di Gud Nyuz lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn.

Lɛta Fɔ Kɔlɔse 1:2

A de rayt dis lɛta to di Kristiɛn dɛn na Kɔlɔse, we tru to Gɔd ɛn we gɛt wanwɔd wit Krays lɛkɛ wisɛf. Mek Gɔd we na wi Papa blɛs una ɛn gi una kol at.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Lɛta Fɔ Kɔlɔse 4:1

Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Fɔs Lɛta To Timoti 4:11

Yu fɔ de lan pipul dɛn tin ya ɛn tɛl dɛn fɔ du dɛn.

Fɔs Lɛta To Timoti 5:1

Yu nɔ fɔ ala pan man we big pas yu, yu fɔ tɔk to am lɛkɛ se na yu papa. Yu fɔ tek dɛn yɔŋman lɛkɛ yu brɔda dɛn;

Taytɔs 2:1

Bɔt yu fɔ de lan pipul dɛn tin we wi bin de lan dɛn bɔt aw Gɔd want mɔtalman fɔ liv ɛn ɔl wetin i want dɛn fɔ du.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Jud In Lɛta 1:8

Semwe so, dɛn drim we dɛn pipul ya de drim de mek dɛn tek dɛn bɔdi du dɛn tin we fɔ mek dɛn shem ɛn we mek dɛn nɔ klin; dɛn nɔ de mek Gɔd kɔntrol dɛn layf, dɛn de tɔk bad bɔt di wan dɛn we gɛt pawa ɛn ɔna na ɛvin.