Fɔs Lɛta To Timoti 6:1 - Krio Fɔs Oli Baybul

¹ Ɔl dɛn Kristiɛn pipul we na slev fɔ luk se dɛn masta dɛn na pipul we dɛn fɔ rɛspɛkt, so dat nɔbɔdi nɔ go tɔk bad bɔt Gɔd in nem ɔ tɔk bad bɔt dɛn tin we wi de lan dɛn.

Fɔs Lɛta To Timoti 6:1 Iomraidhean Croise

Jɛnɛsis 16:9

Di enjɛl se, “Tɔn bak go wok fɔ yu misis ɛn put yusɛf dɔŋ.

Jɛnɛsis 24:12

So i pre se, “PAPA GƆD, yu we na mi masta Ebraam in PAPA GƆD, mek bɛtɛ fala mi tide ɛn sho mi masta se yu lɛk am ɛn de du gud to am.

Jɛnɛsis 24:2

So i tɛl di wokman we dɔn te pas ɔl nain os, ɛn we de inchaj ɔf ɔl in prɔpati, se, “Put yu an midul mi lɛg

Jɛnɛsis 24:27

I se, “A de prez yu PAPA GƆD. Yu we na PAPA GƆD fɔ mi masta Ebraam. Fɔ tru tru yu lɛk mi masta ɛn de du gud to am. Yu dɔn briŋ mi tret to mi masta in fambul dɛn.”

2 Samiɛl 12:14

Bɔt bikɔs i du so, i dɔn mek PAPA GƆD in ɛnimi dɛn nɔ de luk am wit bɛtɛ yay ɛn di pikin we Bathshiba go bɔn go day.

2 Kiŋ 5:13

Bɔt in wokman dɛn koks am se if di prɔfɛt bin tɛl am fɔ du big tin, i bin fɔ du am; so naw we i tɛl am fɔ go was fɔ lɛ i wɛl, lɛ i du am.

Nɛimaya 9:5

Di Livayt dɛn we na Jɛshwa, Kadmiɛl, Bani, Ashabnia, Sherɛbaya, Odaya, Shibanaya ɛn Pɛtaya se mek ɔlman tinap ɛn prez PAPA GƆD, di GƆD we go de sote go. Dɛn se, “Mek wi blɛs PAPA GƆD in nem. Di nem we pas ɔl ɔda nem we wi kin prez.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ayzaya 52:5

PAPA GƆD se, wetin a de du na ya, we yu luk se dɛn dɔn kɛr mi pipul dɛn go fɔ natin? Dɛn rula dɛn kray bita wan, ɛn ol de, dɛn de fityay mi nem. Na so PAPA GƆD se.

Ayzaya 58:6

“Nɔto di fast dis we a pik: fɔ lus di rop dɛn we dɛn tek tay pipul wit wikɛdnɛs, fɔ lus di prɔblɛm dɛn we dɛn tay na pipul dɛn nɛk, lɛ dɛn lɛf fɔ aras pipul, ɛn fɔ tap fɔ trit pipul bad?

Izikɛl 36:20

Bɔt wɛn dɛn bin kam to di neshɔn dɛm, ɛnisay dɛn go, dɛn nɔ bin rɛspɛkt mi oli nem; ɛn we pipul de tɔk bɔt dɛn, dɛn de se, ‘dɛn wan ya, na PAPA GƆD in pipul, bɔt stil dɛn bin gɛt fɔ kɔmɔt nain kɔntri.

Izikɛl 36:23

Ɛn a go pruv di oli, we, mi pawaful nem oli, we dɛn nɔ rɛspɛkt na di neshɔn dɛm, ɛn we una nɔ rɛspɛkt dɛm; ɛn di neshɔn dɛn go no se na mi na di PAPA GƆD, wɛn a pruv, bifo dɛn yay, pan una, mi oli we a oli.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Matyu 11:30

Dɛn tin we a de lan una nɔ at fɔ lan ɛn dɛn tin we a de gi una fɔ du nɔ at fɔ du.”

Matyu 11:9

Una tɛl mi, wetin una bin go luk? Na prɔfɛt? Ɛn una si pɔsin we pas prɔfɛt fawe, fɔ tru.

Lyuk 17:1

Jizɔs tɔk to in lanin bɔy dɛn. I se, “Na tru se tin dɛn mɔs bi we go mek pipul want du bad, bɔt waala go mit di pɔsin we go mek dɛn bi.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 10:7

Wɛn Gɔd in enjɛl we bin de tɔk to Kɔnilyɔs dɔn go, Kɔnilyɔs kɔl tu pan in bɔy dɛn, wan soja man, ɛn in raytan man we kin pre to Gɔd.

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?

Lɛta Fɔ Rom 2:24

Gɔd in Buk se, “Na una dɛn Ju pipul de mek dɛn pipul we nɔto Ju tɔk bad bɔt Gɔd.”

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.

Lɛta Fɔ Galeshya 5:1

Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Fɔs Lɛta To Timoti 5:14

So a fil se i bɛtɛ mek dɛn yɔŋ uman we dɛn man dɔn day mared bak, gɛt pikin ɛn wok mek dɛn man ɛn pikin biznɛs rayt, so dat dɛn pipul we nɔ lɛk wi nɔ go ebul tɔk ɛni bad tin bɔt wi.

Taytɔs 2:5

ɛn dɛn go no se dɛn fɔ ebul kɔntrol dɛnsɛf ɛn dɛn nɔ fɔ miks pan dɔti layf, dɛn fɔ de du dɛn os biznɛs gud, dɛn fɔ de du wetin dɛn man tɛl dɛn fɔ du, so dat nɔbɔdi nɔ go tɔk bad bɔt Gɔd in mɛsej.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.