Fɔs Lɛta To Timoti 5:5 - Krio Fɔs Oli Baybul

⁵ Uman we in man dɔn day we nɔ gɛt nɔbɔdi fɔ mɛn am go abop pan Gɔd ɛn i go de pre de ɛn nɛt de aks Gɔd fɔ ɛp am.

Fɔs Lɛta To Timoti 5:5 Iomraidhean Croise

Di Sam Dɛm 91:4

I go kɔba am lɛkɛ aw fɔl de kɔba in pikin; PAPA GƆD de kip in prɔmis dɛn ɛn go kɔba am ɔltɛm ɛn fɛt fɔ am.

Ayzaya 12:2

“Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

Ayzaya 3:26

Ɛn in get dɛn go kray de munin; in go sidɔm na grɔn lɛk udat dɔn lɔs ɔltin na layf.

Ayzaya 49:21

Datɛnde yu go tɔk na yu at se: “Udat bin bɔn dɛnwanya fɔ mi? A bin gɛt bɛrin ɛn a nɔ bin de bɔn pikin, dɛn sɛn mi go ɛgzayl ɛn drɛb mi, bɔt udat mɛn dɛn wan ya? A de tɛl yu, dɛn lɛf mi wangren; so usay dɛn wan ya kɔmɔt?’”

Ayzaya 50:10

Uswan pan una de fred PAPA GƆD ɛn de du wetin in wokman se, we de waka na daknɛs ɛn nɔ gɛt layt, bɔt stil trɔs PAPA GƆD in nem, ɛn abop pan in Gɔd?

Ayzaya 54:1

“Siŋ, yu uman we nɔ ebul bɔn, yu we nɔ bɔn; bɔsawt wit siŋ ɛn ala lawd wan, yu we nɔ ɛva fil pen fɔ bɔn wande! Bikɔs di uman we in man dɔn lɛf am go bɔn mɔ pikin pas di uman we mared. Na so PAPA GƆD se.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Apɔsul Dɛn Wok 26:7

Dɛn twɛlv trayb na di Ju neshɔn bin abop se dis tin ya we Gɔd bin prɔmis wi grampapa papa dɛn, go bi. Dɛn bin de pre to Gɔd de ɛn nɛt. Kiŋ Agripa, na bikɔs misɛf biliv dis sem tin mek dɛn de tɔk bad bɔt mi.

Apɔsul Dɛn Wok 6:1

Da tɛm de, as mɔ ɛn mɔ pipul de biliv pan Jizɔs Krays, sɔm cham-mɔt bin kam. Dɛn Ju pipul we kɔmɔt Gris bin de grɔmbul se dɛn Ju pipul we bɔn na Jerusɛlɛm nɔ de gi dɛn Ju uman we kɔmɔt Gris we dɛn man dɔn day, wetin dɛn fɔ gi dɛn ɛvri de.

Apɔsul Dɛn Wok 9:39

So Pita rɛdi go mit dɛn. Wɛn i rich, dɛn kɛr am go na di rum. Ɔl dɛn uman we dɛn man dɔn day, bin gɛda na di os. Dɛn bin de kray ɛn dɛn bin de sho Pita di klos dɛn we Dɔkas bin dɔn so.

Apɔsul Dɛn Wok 9:41

Pita ol in an ɛn es am ɔp mek i tinap. Pita kɔl ɔl dɛn pipul we bin biliv Gɔd ɛn dɛn wan we dɛn man bin dɔn day; i sho dɛn Tabita layf wan.

Lɛta Fɔ Rom 1:12

Dat min se a go ɛp una fɔ waka klos Gɔd mɔ bay aw a biliv pan Krays ɛn unasɛf go ɛp mi bay aw unasɛf biliv pan am.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

1 Kɔrint 7:32

A lɛk mek una nɔ wɔri. Man we nɔ mared de put ɔl in at pan di Masta in wok, bikɔs i de wok fɔ mek Gɔd satisfay.

1 Kɔrint 7:34

in at de tu say. Uman we nɔ mared de put in at pan Gɔd in wok, bikɔs i want mek ɔl wetin i de du ɛn ɔl wetin i de tink bi fɔ Gɔd; bɔt plɛnti tin na dis wɔl we mare du man de du fɔ mek in man gladi, de mek i traŋa fɔ am fɔ du Gɔd in wok.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Fɔs Lɛta To Timoti 2:1

Fɔs tin, a de beg una fɔ pre to Gɔd fɔ unasɛf ɛn fɔ ɔda pipul ɛn tɛl Gɔd tɛnki fɔ ɔlman na wɔl;

Fɔs Lɛta To Timoti 5:16

Bɔt if ɛni Kristiɛn uman gɛt sɔm fambul dɛn we dɛn man dɔn day, nain fɔ mɛn dɛn, i nɔ fɔ mek di chɔch gɛt da wɔri de, so dat di chɔch kin fri fɔ mɛn dɛn uman we dɛn man dɔn day, we nɔ gɛt nɔbɔdi fɔ mɛn dɛn.

Fɔs Lɛta To Timoti 5:3

Yu fɔ rɛspɛkt dɛn mared uman we dɛn man dɔn day, we nɔ gɛt nɔbɔdi fɔ ɛp dɛn.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Pita In Fɔs Lɛta 3:5

Dɛn uman we bin de waka klos Gɔd fɔstɛm, we bin abop se Gɔd go du ɔl wetin i prɔmis fɔ du fɔ dɛn, bin de du ɔl wetin dɛn man tɛl dɛn fɔ du; so dɛn bin de mek dɛnsɛf fayn.

Ruth 2:12

I pre mek PAPA GƆD blɛs am ɛn mek PAPA GƆD we nain i abop pan fɔ kɔba am, gi am ɔl di gud tin we i fɔ gɛt fɔ dat.