Fɔs Lɛta To Timoti 4:8 - Krio Fɔs Oli Baybul

⁸ I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Fɔs Lɛta To Timoti 4:8 Iomraidhean Croise

Job 22:2

Aw mɔtalman go ebul ɛp PAPA GƆD? Fɔ tru, pɔsin we gɛt sɛns go bɛnifit insɛf.

Job 36:11

If dɛn yɛri wɔd ɛn tɔn to am, dɛn kin ɛnjɔy dɛn balans layf we lɛf, ɛn dɛn layf go swit te dɛn day.

Di Sam Dɛm 145:19

I nɔ de gi dɛn wan we gɛt fred ɛn rɛspɛkt fɔ am, wetin dɛn fɔ gɛt; i de ansa dɛn prea ɛn sev dɛn.

Di Sam Dɛm 37:11

Bɔt dɛn wan we nɔ tek dɛnsɛf mek natin go gɛt wetin PAPA GƆD prɔmis dɛn ɛn ɛnjɔy pis.

Di Sam Dɛm 37:29

udat dɛn de du wetin rayt go gɛt di land, ɛn dɛn go de de sote go

Di Sam Dɛm 37:9

Di bad pɔsin go day insay in bad, bɔt udat put in op pan PAPA GƆD, go gɛt di land we i prɔmis.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Prɔvabs 19:23

If yu fred PAPA GƆD yu go gɛt lɔŋ layf, yu go satisfay wit wetin yu gɛt ɛn natin nɔ go shek yu.

Prɔvabs 22:4

Di pe we PAPA GƆD de gi udat ɔna am ɛn put insɛf dɔŋ na jɛntri, rɛspɛkt ɛn lɔŋ layf.

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ayzaya 3:10

Tɛl dɛn wan we de waka tret se ɔltin go fayn fɔ dɛn, bikɔs dɛn go it wetin dɛn plant

Ayzaya 33:16

I go tap na ay ples; di say we i go abop pan go bi say we na rɔk dɛn de rawnd; dɛn go gi am it, ɛn i go gɛt wata ɔltɛm.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Mak 10:30

Gɔd go gi am ɔndrɛd tɛm pas wetin i bin gɛt: os, brɔda, sista, mama ɛn papa, pikin ɛn fam; ɛn pipul go mek i sɔfa bad wan na dis wɔl, bɔt Gɔd go gi am layf we go de sote go na di wɔl we gɛt fɔ kam.

Lyuk 5:38

Dɛn fɔ put nyu wayn insay nyu bɔtul.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

1 Kɔrint 3:22

Pɔl, Apɔlɔs, Pita, dis wɔl o, layf o, day o, dɛn tin we de naw, ɛn dɛn tin we go de bambay: dɛn ɔl na una yon,

1 Kɔrint 8:8

Bɔt nɔto di tin we wi de it de mek wi kam klos Gɔd; wi nɔ gɛt natin fɔ lɔs if wi nɔ it am, wi nɔ gɛt natin fɔ gen if wi it am.

Fɔs Lɛta To Timoti 4:7

Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Fɔs Lɛta To Timoti 6:3

Ɛnibɔdi we de lan pipul difrɛn tin ɛn we nɔ gri wit di tru wɔd dɛn we wi Masta Jizɔs tɔk, dat na aw wi de lan pipul fɔ waka wit Gɔd,

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

Fɔs Lɛta To Timoti 6:6

Fɔ du wetin Gɔd want de mek pɔsin jɛntri, if da pɔsin de satisfay wit in layf ɛn gladi fɔ di wok we i de du.

Sɛkɛn Lɛta To Timoti 3:5

dɛn go de fɔm ipokrit lɛkɛ se dɛn bisin bɔt Gɔd wok, bɔt dɛn nɔ go biliv se Gɔd gɛt pawa. Nɔ miks wit dɛn pipul ya.

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.