Fɔs Lɛta To Timoti 4:7 - Krio Fɔs Oli Baybul

⁷ Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Fɔs Lɛta To Timoti 4:7 Iomraidhean Croise

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

Fɔs Lɛta To Timoti 1:4

Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Fɔs Lɛta To Timoti 2:10

Bɔt dɛn fɔ de du dɛn gud wok we uman we kɔl insɛf Gɔd uman fɔ du.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Fɔs Lɛta To Timoti 6:3

Ɛnibɔdi we de lan pipul difrɛn tin ɛn we nɔ gri wit di tru wɔd dɛn we wi Masta Jizɔs tɔk, dat na aw wi de lan pipul fɔ waka wit Gɔd,

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

Sɛkɛn Lɛta To Timoti 2:16

Nɔ lisin to dɛn fulish tɔk we nɔ gɛt natin fɔ du wit Gɔd, ɛn we jɛs de mek pipul lɛf fɔ fala Gɔd mɔ ɛn mɔ.

Sɛkɛn Lɛta To Timoti 2:23

Nɔ miks pan dɛn fulish agyumɛnt we pipul we nɔ sabi natin de gɛt; yu no se na plaba dɛn kin ɛnd pan.

Sɛkɛn Lɛta To Timoti 3:12

Pipul go fɛt ɔl dɛn wan we gɛt wanwɔd wit Jizɔs Krays, we want fɔ liv dɛn layf lɛkɛ aw Gɔd want dɛn fɔ liv am.

Sɛkɛn Lɛta To Timoti 3:5

dɛn go de fɔm ipokrit lɛkɛ se dɛn bisin bɔt Gɔd wok, bɔt dɛn nɔ go biliv se Gɔd gɛt pawa. Nɔ miks wit dɛn pipul ya.

Sɛkɛn Lɛta To Timoti 4:4

Dɛn go lɛf fɔ lisin Gɔd yon mɛsej we tru, dɛn go put dɛn ed pan dɛn stori we mɔtalman mek.

Taytɔs 1:14

ɛn lɛf fɔ biliv dɛn stori we na dɛn Ju pipul dɛnsɛf mek, ɛn lɛf fɔ du dɛn tin we dɛn pipul we dɔn tɔn dɛn bak pan di tru tin, tɛl dɛn fɔ du.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Di Ibru Pipul Dɛn 5:14

Bɔt pɔsin we de it tin we fɔ cham, na big pɔsin; i dɔn no wetin gud ɛn wetin bad, bikɔs i dɔn lan aw fɔ no wetin gud ɛn bad bay dɛn tin we i de du we rayt na Gɔd in yay.