Fɔs Lɛta To Timoti 4:3 - Krio Fɔs Oli Baybul

³ Dɛn man ya de tɛl pipul se i nɔ rayt fɔ mared ɛn i nɔ rayt fɔ it sɔm kayn tin dɛn. Bɔt Gɔd mek dɛn tin ya fɔ it, ɛn dɛn pipul we biliv am ɛn no wetin tru, kin it dɛn afta dɛn dɔn pre ɛn tɛl Gɔd tɛnki.

Fɔs Lɛta To Timoti 4:3 Iomraidhean Croise

Jɛnɛsis 9:3

A dɔn gi dɛn to una fɔ it jɛs lɛkɛ aw a bin dɔn gi di grin plant dɛn fɔ it.

Ɛkliziastis 5:18

Wetin mi tink se rayt fɔ du, na fɔ it ɛn drink ɛn ɛnjɔy wetin yu de yagba fɔ di shɔt tɛm we yu gɛt fɔ de na wɔl; na so PAPA GƆD se i fɔ bi fɔ mɔtalman.

Daniɛl 11:37

I nɔ go bisin bɔt in papa dɛn gɔd dɛn, ɛn di gɔd we uman dɛn lɛk bad; i nɔ go bisin bɔt ɛni ɔda gɔd, bikɔs i go mek insɛf big pas dɛn ɔl.

Matyu 14:19

I tɛl di pipul dɛn fɔ sidɔm na di gras; dɔn i tek di fayv lof bred ɛn di tu fish, i luk ɔp na ɛvin ɛn pre ɛn tɛl Gɔd tɛnki. I kɔt kɔt di lof bred gi in lanin bɔy dɛn, dɔn di lanin bɔy dɛn sheb am gi di pipul dɛn.

Matyu 15:11

Nɔto wetin pɔsin de it de mek i nɔ klin na Gɔd yay, bɔt na wetin di pɔsin de tɔk de mek i nɔ klin na Gɔd yay.”

Matyu 15:36

Dɔn i tek di sɛvin bred ɛn di smɔl-smɔl fish dɛn, ɛn pre ɛn tɛl Gɔd tɛnki; i kɔt kɔt di bred ɛn di fish, ɛn gi in lanin bɔy dɛn fɔ sheb gi di pipul dɛn.

Lyuk 24:30

Wɛn dɛn sidɔm fɔ it, Jizɔs tek di bred ɛn pre pan am, i kɔt kɔt am, dɔn i sheb am gi dɛn.

Jɔn 6:23

Bɔt sɔm ɔda bot dɛn we kɔmɔt Taybiryɔs, kam nia di ples we di pipul dɛn it di bred afta di Masta dɔn tɛl Gɔd tɛnki.

Apɔsul Dɛn Wok 27:35

Wɛn Pɔl dɔn tɔk dɔn, i tek bred bifo ɔlman, i tɛl Gɔd tɛnki, i kɔt di bred, it am.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Lɛta Fɔ Rom 14:3

Dɛn pipul we de it ɛni kayn tin nɔ fɔ tink se dɛn bɛtɛ pas dɛn pipul we nɔ de it bif; ɛn dɛn pipul we nɔ de it bif nɔ fɔ kɔndɛm dɛn pipul we de it ɔltin, bikɔs Gɔd dɔn tek dɛn pipul we de it ɔltin lɛkɛ in yon.

Lɛta Fɔ Rom 14:6

Ɛnibɔdi we tek wande pas dɛn ɔda de, de du am fɔ ɔna di Masta. Ɛnibɔdi we de it ɔltin, de du am fɔ ɔna di Masta, bikɔs i de tɛl Gɔd tɛnki fɔ di it. Semwe so, ɛnibɔdi we nɔ gri it bif ɛn ɔda tin dɛn, de du dat fɔ ɔna di Masta semwe so, ɛn i de tɛl Gɔd tɛnki.

1 Kɔrint 6:13

Ɔda pɔsin go se, “It na fɔ bɛlɛ, bɛlɛ na fɔ it.” Na so i bi, bɔt Gɔd kin mek it dɔn ɛn i kin mek bɛlɛ pwɛl. Gɔd nɔ mek mɔtalman bɔdi fɔ mek i liv fri layf, i mek mɔtalman fɔ du wetin in want wit in bɔdi; Gɔd insɛf de du ɔl wetin gud fɔ di bɔdi.

1 Kɔrint 7:28

Bɔt if man we nɔ mared, go mared, dat nɔto sin; ɛn if uman we nɔ no man, mared, dat nɔto sin. Bɔt a nɔ want mek dɛn trɔbul we dɛn wan we mared de si ɛvri de, mit una.

1 Kɔrint 8:8

Bɔt nɔto di tin we wi de it de mek wi kam klos Gɔd; wi nɔ gɛt natin fɔ lɔs if wi nɔ it am, wi nɔ gɛt natin fɔ gen if wi it am.

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Fɔs Lɛta To Timoti 4:4

Ɔltin we Gɔd mek gud, so pɔsin nɔ fɔ luk se sɔm tin dɛn nɔ gud fɔ it, if i dɔn tɛl Gɔd tɛnki.

Fɔs Lɛta To Timoti 5:14

So a fil se i bɛtɛ mek dɛn yɔŋ uman we dɛn man dɔn day mared bak, gɛt pikin ɛn wok mek dɛn man ɛn pikin biznɛs rayt, so dat dɛn pipul we nɔ lɛk wi nɔ go ebul tɔk ɛni bad tin bɔt wi.

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

1 Samiɛl 9:13

Di gyal dɛn tɛl dɛn se as dɛn go insay di siti, dɛn go mit am bifo i go usay di pipul dɛn de mek di sakrifays fɔ go it. Di gyal dɛn se di pipul dɛn nɔ go bigin it if i nɔ go de bikɔs i gɛt fɔ blɛs di sakrifays bifo di wan dɛn we dɛn invayt go bigin it. Di gyal dɛn se if dɛn go de da tɛm de, dɛn go mit am.